Tito 1:15 - Tosi Tapu

¹⁵ E mea nea fuli kia latou ala e mea ; kae e leaise mea se nea kia latou ala e kelekele mo tui gataa ; talie kua kelekele olatou atamai mo olatou loto.

Tito 1:15 ပူးပေါင်းရင်းမြစ်များ

Taagapati 21:4

Ko ni mata fia taualuga mo se loto fia nealasi, Ko nea ana e fakasa ia le agasala a le kau agaveli.

Taagapati 30:12

E i ai se tautagata leia e pati e mea, kae e leikiaise fufulu e ia lona kelekele.

Akeseo 2:13

Ti na pati loa Akeseo : Kapau kua kelekele loa se tagata o tupu ko se mate, ti e fafa loa a ia ki nea fuli ana, pe kelekele loa a nea kai ana ? Ti na tali loa le kau faisakilifisio : E io, e lotou kelekele loa.

Mateo 15:18

Kae ko le nea leia e mavae mei le gutu e au mei le loto, ti ko le nea lena e fakakelekele ia le tagata.

Gaoi 10:15

Ti na toe pati loa le leo kiate ia ko lona tua lua a ia : Ko le nea leia kua fakasa e le Atua e mea, aua na ke tio ki ai ofaipe se nea e kelekele.

Loma 14:14

E kau iloa ti e kau tui i le Aliki Sesu, e leaise nea fua e kelekele iate ia, ti koi kelekele se nea ki leia e tui e kelekele a ia.

Loma 14:20

Aua na ke maumaui le gaoi a le Atua o tupu ko se nea kai. E maoki ko nea fuli e mea, kae e veli ki le tagata, mo ka kai, ke liliu a ia ko se fatu fakatupu siga.

Loma 14:23

Kae ko leia e lotolotolua o uiga mo le nea leia e kai e ia, e fakamaaui a ia i ai, talie e leaise kai a ia i le tui. Talie e agasala a nea fuli ala e leaise au mei le loto maoki.

Uluaki tosi ki le kau Kolinto 10:23

E taga nea fuli, kae e leaise aoga nea fuli ; e taga nea fuli, kae e leaise faufau nea fuli.

Uluaki tosi ki le kau Kolinto 10:25

Kotou kai ki nea fuli ala e fakatau i le maketi, kae aua na kotou vesili o tupu ko le loto ;

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Uluaki tosi ki le kau Kolinto 8:7

Kae e leaise maua e tagata fuli le iloa lena. Talie koi tio ni iki ki taulaatua, ti e lotou kai a inati ana ofaipe ni inati kua momoli maoki ki taulaatua, ti ko olatou loto, ala koi gagae, e kelekele i ai.

Uluaki tosi kia Timoteo 6:5

mo visi noa a ni tagata atamai fakapouli, ala e puli ai le maoki, ti e masalo ko le aga fakaatua ko se matapuna a ia o se koloa lasi.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !