Tetelonome 9:27 - Tosi Tapu

²⁷ Ke ke manatui au tagata fakasausau ko Apalaamo, mo Isaake, mo Sakopo. Ke aua na ke tio ki le patigataa o le kakai leinei, mo lona agaveli, mo lana agasala.

Tetelonome 9:27 ပူးပေါင်းရင်းမြစ်များ

Senesi 19:29

I le aso leia na maumaui ai loa e le Atua a kolo o le fenua laumalie lena, na manatui loa e ia Apalaamo ; ti na fakamauli loa e ia a Lote mei le tutamaki leia na tautea ai e ia a kolo ala na fakatuu ai e Lote lona nofoaga.

Pesalemo 130:3

Ka na ke taupau le manatu ki agasala, Eteleno, Ko ai e mafai loa ke mauli ?

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Ekesote 13:5

Ka fakaulu loa a koe e le Eteleno ki le fenua o le kau Kanaane, mo le kau Eti, mo le kau Amole, mo le kau Evi, ti mo le kau Sepusi, fenua leia na fakapapau e ia ki ou tamana ke soli kiate koe, fenua leia e tafe ai le sua manu mo le meli, e ke fai loa ki le Eteleno le atolasio leinei i le masina totonu leinei.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Taagapati 21:12

E fakakaukau le tagata agatonu ki nea fuli i le fale o le tagata agaveli ; E ti e le Eteleno le tagata agaveli ki le malaia.

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Levitiko 26:42

E kau toe manatui loa laku fakapapau kia Sakopo, mo Isaake, mo Apalaamo, ti e kau toe manatui loa le fenua.

Levitiko 26:45

E kau toe manatui loa loku alofa kia latou, ti mo laku sai i mua, leia na tupu ai laku fakamavae latou mei le fenua o Esipito, i mata o atu puleaga, o tupu ke kau liliu ko lolatou Atua. Ko au ko le Eteleno.

Tetelonome 9:26

Na kau kole ki le Eteleno, o kau pati : Aliki Eteleno, ke aua na ke maumaui lou kakai, lou tofiga, leia na ke saofaki i lou mafimafi, leia na ke fakamavae mei Esipito ki lou lima makeke.

Tetelonome 9:28

E leaise tonu ke pati loa le kakai o le fenua leia na ke fakamavae matou mei ai : E tupu kua leaise mafai e le Eteleno le fakaulu o le kakai lena ki le fenua leia na fakapapau e ia ke soli kia latou, ti e tupu na vesia le Eteleno kia latou, o fakamavae e ia latou ke maumaui latou i le toafa.

Uluaki tosi a Samuele 25:25

Ke aua na tokaga loku aliki ki le tagata agaveli lena, kia Napale, talie e tatau a ia mo lona igoa ; ko Napale lona igoa, ti e maua iate ia se valea. Ti ko au, lau fafine fakasausau, na leaise kau tio ki tagata ala na kakau mai e loku aliki.