Tetelonome 9:21 - Tosi Tapu

²¹ Na kau too loa le uviki pipi, le fua o lakoutou agasala, ti na kau tutu loa a ia i le afi. Na kau fatifatii loa a ia, ti na kau tuki loa a ia o momomomo ofaipe se efu, ti na kau tiaki loa le efu lena ki le liua leia e ifo mei le mauga.

Tetelonome 9:21 ပူးပေါင်းရင်းမြစ်များ

Uluaki tosi o Sau 15:13

Ti na fakapuli foki e ia le tuulaga o le fafine sau mei lona tinana ko Maaka, o tupu na fau e ia se fakatata kia Asetalate. Na maumaui loa e Asa lona fakatata ti na tutu loa e ia a ia i le vaitafe o Setolone.

Lua tosi o Koloniko 34:7

na maumaui e ia a aletale, na fatifatii e ia a taulaatua mo fakatata, o laliki latou ke efu, na maumaui e ia a fakatata fuli ala na fakatapui ki le laa, i le fenua katoa o Iselaele. Ti na toe liliu loa a ia ki Selusalemi.

Ekesote 32:20

Ti na too loa e Moisese le uviki pipi leia na lotou fai, o ti a ia ki le afi ; ti na fakaliliu loa e ia a ia ke mugalafu ; ti na laku loa e ia le mugalafu lena ki le vai, ti na fakainu loa e ia le vai lena ki fanau a Iselaele.

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 31:7

I le aso lena, e tiaki loa e le tagata ona fakatata siliva mo ona taulaatua aulo, Ala na kotou fau ki okoutou lima tukipo.

Oseo 8:11

Na liuliuga e Efalaimi a aletale ke agasala ai, Ti na fakavilo a ia e aletale ana ki le agasala.

Mikea 1:7

E fatifatii loa ona fakatata togi fuli, E tutu loa i le afi ona totogi kelekele fuli, Ti e kau maumaui loa ona taulaatua fuli, Ala na maua ki le totogi o le faiaga, E lotou liliu loa ko se totogi o le faiaga…

Tetelonome 9:20

Na sausaua veli foki le Eteleno kia Alone, o loto ke maumaui a ia : Kae na kau toe tagi foki o uiga mo Alone i le temi lena.