Tetelonome 9:14 - Tosi Tapu

¹⁴ Tuku ke kau maumaui latou mo soloi lolatou igoa i lalo o le lagi ; ti e kau fai loa meiate koe se puleaga leia e makeke ake mo api ake i le kakai lena.

Tetelonome 9:14 ပူးပေါင်းရင်းမြစ်များ

Esetalasi 9:14

pe motou toe kamata maumaui loa au folafola o fakatasi mo kakai fakalialia ana ? Pe leaise toe vilo loa lou sausau kia matou, o maumaui fuli matou ke aua na toe mauli se tasi ?

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 109:13

Ke tuuti lona sakoga, Ti ke puli lolatou igoa i tautupu ka au !

Pesalemo 9:5

Talie na ke puipui loku faitotonu mo laku gaoi, E ke eke i lou ekeekeaga fakasau o fakamaau i le faitotonu.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Esaia 48:19

E fai loa lou sakoga pe le one o le mata tai, Ti ko fua o lou manava pe fiti o le one ; E leaise toe soloi loa lou igoa, pe puli loa i oku mua !

Selemia 14:11

Ti na pati mai le Eteleno kiate au : Aua na ke kole le malie o le kakai leinei.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 7:16

Ti ko koe, aua na ke ulufaki le kakai leinei, Aua na ke fai loa se tagi pe ko se kole kia latou, Aua na ke fai mai kiate au ni kole fakamakeke ; Talie e leaise kau fakalogo atu loa kiate koe.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Tetelonome 32:26

Na kau manatu loa ke maumaui latou, Ti ke soloi oki olatou igoa i aluga o le kele.

Apokalipisi 3:5

Ko leia e malo loa, e fakakofu loa a ia ki ni kofu tetea ; e leaise kau soloi loa lona igoa i le tosi o le mauli, ti e kau fakasa loa lona igoa i mua o loku Tamana ti mo mua o ana kau aselo.