Tetelonome 8:18 - Tosi Tapu

¹⁸ Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Tetelonome 8:18 ပူးပေါင်းရင်းမြစ်များ

Senesi 32:14

Ko koti fafine e kau lelau lua, mo koti tagata e kau lua, mo ovi fafine e kau lelau lua, mo ovi tagata e kau lua,

Uluaki tosi o Koloniko 29:12

Ko koe leia e au meiai le koloa mo le kololia, ko koe leia e pule ki nea fuli, ko lou lima leia e maua ai le makeke mo le mafimafi, ti ko lou lima leia e pule ki le siki mo le fakamakeke o leia e ke loto ki ai.

Lua tosi o Koloniko 25:9

Na pati loa Amatesia ki le tagata a le Atua : Ti kolea loa ka fai ki fa tenalio paaga e kau lelau ala na kau soli ki le solia a Iselaele ? Na tali loa le tagata a le Atua : E feala ke soli atu kiate koe e le Eteleno o lasi mamao ake i le siliva lena.

Pesalemo 144:1

A Tavite. Ke fakafetai ki le Eteleno, loku utu, Leia e ako ia oku lima ki le tau, Oku maikao ki le velo,

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Ekelesiasi 12:1

Tama tupulaga, ke ke fiafia i le temi o lou tupulaga, tuku lou loto ki le fiafia i le lolotoga o aso o lou temi tupulaga, saele i ala o lou loto, ti mo oli o ou mata ; kae ke ke iloa, i nea fuli ana e aumai loa a koe e le Atua ki le fakamaauaga.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Selemia 23:27

E lotou loto ke fakagaloi loku suafa i loku kakai Ki moemiti ala e lotou tasi fakamatala ki lona oloi, Ofaipe le galoi o loku suafa e olatou tamana o tupu ko Paale.

Oseo 2:8

Koia, e kau tapono loa lona ala ki ni laakau talatala ti e kau fakatuu loa i ai se kau a, o tupu ke aua na toe maua e ia ona ala.

Tetelonome 26:10

Koia i le aso nei e kau aumai ai kiate koe, Eteleno, a uluaki fua o le kele leia na ke soli mai kiate au ! E ke tuku loa a nea ana i mua o le Eteleno, lou Atua, ti e ke punou loa i mua o le Eteleno, lou Atua.

Tetelonome 6:11

mo ni fale ala kua apelepele i koloa kesekese ala na leaise ke tanaki ia, mo ni sosoni ala na leaise ke kenu ia, mo ni faisaga vite, mo ni faisaga olive ala na leaise ke to ia.

Tetelonome 7:12

Kapau e kotou fakalogo loa ki lekula ana, ti mo kotou tausi loa latou, ti mo kotou fai loa latou, ti e taupau loa e le Eteleno, lou Atua, lana sai mo lona manava alofa kiate koe, ala na fai e ia ki ou tamana.

Tetelonome 7:8

Kae na alofa le Eteleno kia koutou, ti na fakasoko e ia le fakapapau leia na fai e ia ki okoutou tamana. Koia na fakamavae ai koutou e le Eteleno ki lona lima makeke, ti na fakalauatea ai koutou e ia mei le popula, meia Falaone, sau o Esipito.

Tetelonome 8:1

Ke kotou tausi loa ti mo kotou fai loa a folafola fuli ala e kau tuku kia koutou i le aso nei, o tupu ke kotou mauli, ti ke kotou liuliuga, ti ke kotou ulu o maua tofiga le fenua leia na fakapapau e le Eteleno ke soli ki okoutou tamana.

Tuifakamaau 3:7

Na agaveli loa fanau a Iselaele ki le Eteleno, ti na lotou galoi ia loa le Eteleno, lolatou Atua, kae na lotou atolasio loa kia Paale mo Akelase.

Tuifakamaau 7:2

Na pati loa le Eteleno kia Seteone : E api le kakai leia e nofo mo koe, ke kau tuku ai loa a Matiane ki ou lima ; e feala loa ke fia nealasi Iselaele, o pati : ko loku lima leia na saofaki ia au.

Uluaki tosi a Samuele 2:7

E fakamativa ti e fakamoukoloa e le Eteleno, E tuku e ia ki lalo ti e siki e ia ki aluga.