Tetelonome 8:15 - Tosi Tapu

¹⁵ leia na fakasaele ia a koe i le toafa lasi leinei mo fakaii, leia e maua ai a gata kona, mo sekolopio, mo le laaina, mo le malo ; leia na fakasali ia kiate koe se vai mei le utu fefeka ;

Tetelonome 8:15 ပူးပေါင်းရင်းမြစ်များ

Pesalemo 105:41

Na fakamavaa loa e ia le utu, ke sali mei ai le vai ; Ti na tafe loa le vai ofaipe se vaitafe i ganea malo.

Pesalemo 114:8

Leia e fetogi ia le utu ko se tanakiaga vai, Le utu fefeka ko se matapuna vai.

Pesalemo 136:16

Ko ia leia na taki ia lona kakai i le toafa, Talie e lee gato lona manava alofa !

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 35:7

E liliu loa le one kaka ko ni vai, Ti mo le kele malo ko ni matapuna vai ; I le ganea leia na nofo ai a pili e tupu ai loa ni u mo ni kofe.

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Oseo 13:5

Na kau iloa a koe i le toafa, I se kele malo.

Numelo 20:11

Ti na siki loa e Moisese lona lima, ti na taai tua lua loa e ia le utu ki lona tokotoko. Na sali loa se vai lasi. Na inu loa le kakai mo manu.

Numelo 21:6

Ti na kakau loa e le Eteleno ni gata kona ki le kakai ; ti na lotou uuti loa le kakai, ti na mate loa se toka api o Iselaele.

Uluaki tosi ki le kau Kolinto 10:4

ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.

Tetelonome 1:19

Na tou mavae loa i Olepe, ti na tou foli katoa loa i le toafa lasi mo fakaii leinei kua kotou iloa ; na tou too loa le ala leia e ano ki le mauga o le kau Amole, o mulimuli ki le fakatotonu a le Eteleno, ti na tou kaku loa ki Katesi-Palenea.

Tetelonome 32:13

Na ave e ia a ia ki potu taualuga o le fenua, Ti na kai e Iselaele a fua o faisaga ; Na fakasali e ia kiate ia le meli o le utu, Mo le lolo leia e sali mei le utu fefeka,