Tetelonome 8:10 - Tosi Tapu

¹⁰ Ka ke kai loa ti e ke makona loa, ke ke fakafetai loa ki le Eteleno, lou Atua, o tupu ko le fenua malie leia na soli atu e ia kiate koe.

Tetelonome 8:10 ပူးပေါင်းရင်းမြစ်များ

Uluaki tosi o Koloniko 29:14

Talie ko ai au ti ko ai loku kakai, ke mafai ai lamatou momoli atu kiate koe a nea alofa anei ? E au nea fuli meiate koe, ti e motou tali mei lou lima a nea fuli ala e motou momoli atu kiate koe.

Pesalemo 103:2

Loku laumalie, fakafetai ki le Eteleno, Ti aua na ke galoi se nea fua e tasi i ana nea malilie !

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Esaia 5:1

E kau sua loa ki loku alofaaga Le katiko o loku alofaaga ki lana vite. Na maua e loku alofaaga se faisaga vite, I se mauga kele mauli.

Soele 2:26

E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Mateo 14:19

Na fakanonofo loa e ia le kakai ki lalo i le mutie, ti na too loa e ia a fa pane liliki e lima mo ga ika e lua, ti na tagaki loa ona mata ki le lagi, o fakafetai. Ti na tofitofi loa e ia a fa pane, o soli ki ana tisipulo, ke lotou tufa ki le kakai.

Soane 6:23

I le pogipogi ake, na kaku ake loa ni iki a vaka mei Tipeliate ki le ganea leia na lotou kai ai le pane i le oki o le fakafetai a le Aliki,

Loma 14:6

Ko leia e fakakesekese ia a aso, e fai fenaaki o tupu ko le Aliki. Ko leia e kai, e fai fenaaki o tupu ko le Aliki, talie e fakafetai a ia ki le Atua ; ko leia e leaise kai e fai fenaaki o tupu ko le Aliki, ti e fakafetai a ia ki le Atua.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Tetelonome 8:9

fenua leia e ke kai ai loa le pane i le mou, leia e leaise toe puli ai loa se nea kiate koe ; fenua leia e fatu ko ukamea, ti e ta mei ona mauga le kapa.

Uluaki tosi ki le kau Tesalonika 5:18

Kotou fakafetai i nea fuli, talie ko le finegalo a ia o le Atua ia Sesu-Kilisito kia koutou.