Tetelonome 7:9 - Tosi Tapu

⁹ Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Tetelonome 7:9 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 9:15

Ti e kau manatui loa laku sai leia kua kau fai mo koutou mo faasiga manu kesekese fuli, ti e leaise toe liliu loa le ua ko se lomaki o maumaui ia a kanofi fuli.

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Uluaki tosi o Koloniko 16:15

Kotou manatui tuumau lana sai, Mo ana fakapapau ki tautupu e afe,

Lua tosi o Koloniko 6:14

Ei Eteleno, Atua o Iselaele ! E leaise tasi ake fua Atua e tatau mo koe, i le lagi mo le kele : e ke taupau lau sai mo lou manava alofa ki au tagata fakasausau ala e saele i ou mua i lolatou loto katoa !

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 103:18

Kia latou ala e tausi ia lana sai, Ti e manatu ki ana folafola ke fai latou.

Pesalemo 105:8

E manatui tuumau e ia lana sai, Ana fakapapau ki tautupu e afe,

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 146:6

Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 36:6

Eteleno ! E kaku lou agamalie ki le atu lagi, Lou agatonu ki atu ao.

Ekesote 20:6

ti e manava alofa o kaku ki le afe o tautupu kia latou ala e alofa kiate au mo fakalogo ki aku folafola.

Esaia 49:7

Koia e pati ai le Eteleno, le fakamauli, le Sagato o Iselaele, Ki leia e vesiainai, leia e fakalialia ki ai le kakai, Ki le tagata popula a le kau makeke : E tio loa ni sau kiate ia, ti e lotou tutuu loa ki aluga ; E tio foki ni aliki kiate ia, ti e lotou punou loa i ona mua, O tupu ko le Eteleno, leia e agatonu, O tupu ko le Sagato o Iselaele, leia na filifili ia a koe.

Selemia 32:18

E ke manava alofa o kaku ki le tautupu afe, Ti e ke tautea le agaveli a tamana ki fatafata o alotou fanau ala e mulimuli ia latou. Ko koe ko le Atua lasi, le mafimafi, Leia e igoa ko le Eteleno o kau tau.

Tagi laulau a Selemia 3:23

E fakafoou latou i usu fuli. Io ! E lasi ai lou agatonu !

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Numelo 14:18

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Uluaki tosi ki le kau Kolinto 1:9

E agatonu le Atua, leia na kalagai ia koutou ki le komunio o lona Alo, ko Sesu-Kilisito lotatou Aliki.

Uluaki tosi ki le kau Kolinto 10:3

ti na lotou kai fuli le nea kai fakalaumalie e tasi,

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Lua tosi ki le kau Kolinto 1:18

E kau fakamaoki atu i le Atua, leia e agatonu, ko le folafola leia na ma fakasa atu kia koutou na leaise io mo leai.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Tetelonome 5:10

kae e fakasa ia lona manava alofa o kaku ki le afe o tautupu kia latou ala e alofa kiate au ti mo tausi aku folafola.

Uluaki tosi ki le kau Tesalonika 5:24

E agatonu leia na kalagai ia koutou, ti ko ia leia e fai ia loa le nea lena.

Lua tosi ki le kau Tesalonika 3:3

E agatonu le Aliki, e fakamakeke loa e ia koutou, ti e puipui loa e ia koutou mei leia e veli.

Lua tosi kia Timoteo 2:13

kapau e leaise tou agatonu, e agatonu a ia, talie e leaise mafai ke fakafiti a ia kiate ia totonu.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 10:23

Ke tou taofi makeke le fakasa o latatou amanaki malie, talie e agatonu leia na fai ia le fakapapau.

Epelo 11:11

Ko le tui leia na mafai ai e Sala, logo ai kua finematua, ke fanaui se sakoga, talie na tui a ia ki le agatonu o leia na fai ia le fakapapau.

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Tuifakamaau 2:1

Na pale loa se aselo o le Eteleno mei Kilikale ki Pokimi, o pati : Na kau fakamavae koutou mei Esipito ti na kau aumai koutou ki le fenua leia na kau fakapapau ke soli ki okoutou tamana. Na kau fakasa loa kia latou : E leaise kau motusi loa i se aso laku fakapapau kia koutou,

Tuifakamaau 5:31

Ke mamate fenaaki ou fili fuli, ei Eteleno ! Kae ko latou ala e alofa kiate ia, Ke lotou faipe le laa, I lana sopo ake i lona gigila katoa. Na malolo loa le fenua i fetuu e kau fa.