Tetelonome 7:25 - Tosi Tapu

²⁵ Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Tetelonome 7:25 ပူးပေါင်းရင်းမြစ်များ

Lua tosi o Sau 23:14

Ti na fatifatii loa e ia a fakatata ti na maumaui loa e ia mo taulaatua, ti na fakaapele loa e ia ki ivii tagata a tuuaga o fakatata ana.

Uluaki tosi o Koloniko 14:12

Na tiaki loa e le kau Filisitini i le ganea lena olatou atua, ala na tutu loa i le afi o mulimuli ki le fakatotonu a Tavite.

Ekesote 20:17

Aua na ke manumanu loa ki le fale o lou oloi ; aua na ke manumanu loa ki le avaga o lou oloi, pe ko lana tagata fakasausau, pe ko lana fafine fakasausau, pe ko lana pipi, pe ko lana asino, pe ko se nea fua leia e maua e lou oloi.

Ekesote 32:20

Ti na too loa e Moisese le uviki pipi leia na lotou fai, o ti a ia ki le afi ; ti na fakaliliu loa e ia a ia ke mugalafu ; ti na laku loa e ia le mugalafu lena ki le vai, ti na fakainu loa e ia le vai lena ki fanau a Iselaele.

Ekesote 8:26

Na ulu loa Moisese ki fafo mei le fale o Falaone, ti na faikole loa a ia ki le Eteleno.

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 41:24

Ko leinei, ko koutou ko nea noa, Ti ko lakoutou gaoiaga ko le noa ; Ko se nea fakalialia le fanaki kia koutou.

Levitiko 13:52

Ti e tutu loa e le tagata faisakilifisio le kofu lena, pe ko le kie, pe ko le kofu loto, pe ko se nea na gaoi ki le fului ovi, pe ki le lino, pe ki se kilii manu. Ti e tutu loa le nea lena e le afi, talie e leaise toe feala ke sau le sekaseka.

Levitiko 19:4

Aua na kotou tafoki loa ki ni taulaatua loi, ti aua na kotou fai loa ni atua ki se ukamea saka. Ko au ko le Eteleno, ko lokoutou Atua.

Sofoni 1:3

E kau maumaui loa tagata mo manu, A manu lele o le lagi mo ika o le tai, A nea fakatupu siga mo le kau agaveli mo latou ; E kau tuuti loa a tagata i aluga o le malama nei, E pati le Eteleno.

Tetelonome 12:3

Ke kotou soloi loa olatou aletale, ti ke kotou fatifatii loa olatou pou tapu, ti ke kotou tutu loa olatou vao tapu, ti ke kotou maumaui loa a fakatata o olatou atua, ti ke kotou fakapuli loa i ganea ana a nea fuli ala e fakamanatu ai olatou atua.

Tetelonome 13:16

Ke ke tanaki loa le koloa katoa ki loto malie o le kolo, ti ke tutu katoa loa i le afi le kolo mo ona koloa fuli, i mua o le Eteleno, lou Atua : e tuu loa a ia ko se tuuga nea maumau, e leaise toe fakatuu loa a ia i se aso.

Tetelonome 17:1

Ke aua na ke momoli loa i se sakilifisio ki le Eteleno, lou Atua, se pipi, pe ko se akeno, pe ko se koti, leia e maua ia se mele pe ko se masaki, talie e fakalialia loa le Eteleno, lou Atua, ki le manu lena.

Tetelonome 23:18

Ke aua na ke ave loa ki le fale o le Eteleno, lou Atua, le totogi o se fafine faiaga pe ko le totogi o se tagata faiaga, ke fakasoko ai se fakapapau ; talie e fakalialia le Eteleno, lou Atua, ki leia mo leia.

Tetelonome 27:15

Ke malaia le tagata leia e fai ia loa se fakatata ta, pe ko se fakatata saka, o fakatuu a ia i se ganea fakapulipuli ! Talie e fakalialia le Eteleno ki le nea a ia, ki le nea leia na gaoi e lima o le tagata tufuga. Ti e tali loa le kakai katoa : Amene !

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Tetelonome 7:5

Kae ko leinei le nea leia e kotou fai loa kia latou : Ke kotou maumaui loa olatou aletale, ti ke kotou fatifatii loa olatou fakatata fatu, ti ke kotou tutuuti loa olatou pou tapu, ti ke kotou tutu loa i le afi olatou taulaatua.

Sosue 7:1

Na fai loa e fanau a Iselaele se agatuu ki nea ala na fakatapui ki le Eteleno. Ko Akane, vosa o Kalemi, vosa o Sapeti, vosa o Selake mei le faasiga o Suta, na too ia loa ni nea i nea ala na fakatapui, ti na tupu ai loa le sausau o le Eteleno ki fanau a Iselaele.

Sosue 7:21

Na kau tio i le koloa o le tau ki se taupulupulu fulumalie mei Mesopotamia, mo ni fa sikele paaga e kau lelau lua, ti mo se potu aulo e kau lima sikele. Na kau manumanu loa ki nea ana, ti na kau too loa latou. Ko leinei latou kua tanu i le kele, i loto o loku falela, ti kua tautafa le paaga ki lalo.

Apokalipisi 17:5

Ti na tosi i lona lae se igoa, ko se misitelio : Papilone lasi, ko le tinana o fafine fai feauaki mo fakalialia o le malama nei.