Tetelonome 7:21 - Tosi Tapu

²¹ Ke aua na ke i o tupu ko latou ; talie e nofo le Eteleno, lou Atua, i loto malie o ou, le Atua lasi mo fakaii.

Tetelonome 7:21 ပူးပေါင်းရင်းမြစ်များ

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Neemia 4:14

Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 46:6

E agai le Atua i loto malie o le kolo : e leaise galulu loa a ia ; E tokoi le Atua kiate ia talu mei le mafoata.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 47:2

Kotou fuli, atu kakai, ke kotou pasipasi okoutou lima ! Ke kotou fai ni kalaga fakafiafia ki le Atua !

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Pesalemo 89:8

E fakaii le Atua i le fakatasiga lasi a le kau aselo, E fakaii a ia kia latou fuli ala e takatakai ia a ia.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Ekesote 29:45

E kau nofo loa i loto malie o fanau a Iselaele, ti e kau liliu loa ko lolatou Atua.

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Numelo 13:9

Ki le faasiga o Pesamino : ko Paleti, vosa o Lafu.

Numelo 14:14

ti e lotou fakamatala loa a ia ki le kakai o le fenua leinei. Talie kua lotou iloa ko koe, ko le Eteleno, e ke nofo mo lou kakai ; ti e ke sa mata kiate ia, a koe, ko le Eteleno ; ti e tuu lou ao iate ia ; ti e ke saele i ona mua i le ao i se pou afu, mo le pouli i se pou afi.

Numelo 14:42

Ke aua na kotou pale ! talie e leaise nofo le Eteleno mo koutou. E tamate loa koutou e okoutou fili.

Numelo 14:9

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Numelo 21:34

Na pati loa le Eteleno kia Moisese : Aua na ke i kia Oki ; talie e kau tuku a ia ki ou lima, a ia mo lona kakai katoa ti mo lona fenua ; e ke fai loa kiate ia ofaipe lau fai kia Sioni, sau o le kau Amole, leia na nofo i Eseponi.

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Numelo 9:20

Kapau na nofo le ao i ni ga aso teiki i aluga o le falela tapu, na lotou fakatuu loa olatou falela o mulimuli ki le fakatotonu a le Eteleno, ti na lotou fanoga o mulimuli ki fakatotonu a le Eteleno.

Uluaki tosi ki le kau Kolinto 14:25

ti e fakasa loa a manatu fakapulipuli o lona loto ; ti e fakamapee loa a ia ki le kele, o atolasio ki le Atua, mo fakasa e nofo maoki ai le Atua ia koutou.

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Tetelonome 25:8

E kakau loa e le kau fakamatuatua o le kolo ke nake le tagata lena kia latou, ti e lotou masau loa kiate ia : Kapau e tuu mau aifai le tagata, o pati : e leaise kau fia avaga mo ia,

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Sosue 3:10

Na pati loa Sosue : E kotou iloa loa i le nea leinei e nofo le Atua mauli i loto malie o koutou, ti e kapu loa e ia i okoutou mua le kau Kanaane, mo le kau Eti, mo le kau Evi, mo le kau Pelesi, mo le kau Kilikasi, mo le kau Amole, ti mo le kau Sepusi :

Sosue 8:1

Na pati loa le Eteleno kia Sosue : Aua na ke i, ti aua na ke loto gaegae ! too a tagata tau fuli, ti ke tuu ki aluga o ano o taui le kolo ko Ai. Tio, e kau tuku ki lou lima le sau o Ai mo lona kakai katoa, mo lona kolo, ti mo lona fenua.

Uluaki tosi a Samuele 4:8

Malaia kia tatou ! Ko ai ka saofaki ia loa tatou i le lima o atua makeke ana ? Ko atua ana na tautea ia le kau Esipito ki faasiga tautea fuli i le toafa.