Tetelonome 7:13 - Tosi Tapu

¹³ E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.

Tetelonome 7:13 ပူးပေါင်းရင်းမြစ်များ

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Sopo 1:10

Pe leaise tupu ko lau puipui a ia, mo lona famili, ti mo ana nea fuli ? Kua ke fakamanuia le gaoi o ona lima, ti kua uufi e ana kau manu le fenua.

Sopo 42:12

I le lolotoga o fetuu fakaoki ana, na maua loa e Sopo mei le Eteleno ni tapuakina o lasi ake i tapuakina ala na maua e ia i mua. Na maua loa e ia se kau ovi fafine e kau agafulu tupu fa afe, mo se kau kamelo e afe ono, mo ni soa pipi tagata e afe, ti mo se kau asino fafine e afe.

Pesalemo 1:3

E tatau a ia mo se laakau na to i tafa se tafeaga vai, Leia e fua i lona temi, Ti e leaise gini lona lau : Ko nea fuli ala e fai e ia e manuia kiate ia.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Pesalemo 11:7

Talie e faitotonu le Eteleno, e alofa a ia ki le faitotonu. E tio a tagata maokioki ki ona mata.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Pesalemo 146:8

E fakamavaa e le Eteleno a mata o le kau kivi. E fakatuu e le Eteleno latou ala e mapelu ki lalo. E alofa le Eteleno ki le kau maokioki.

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Taagapati 10:22

Ko le tapuakina a le Eteleno leia e fakamoukoloa, Ti e leaise mulimuli i ai se mamae.

Taagapati 15:9

E fakalialia le Eteleno ki le ala o le tagata agaveli, Kae e alofa a ia ki le tagata leia e muli i le maokioki.

Levitiko 26:9

E kau tokaga loa kia koutou o tapuakii koutou, mo fakafanaunau koutou, ti e kau taofi mau loa laku sai kia koutou.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Soane 14:21

Ko leia e maua ia aku fakatotonu ti e fai ia latou, ko ia leia e alofa kiate au. Ko leia e alofa kiate au, e alofa loa loku Tamana kiate ia, ti e kau alofa loa mo au kiate ia, ti e kau fakasa loa au kiate ia.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Soane 16:27

talie e alofa le Tamana totonu kia koutou, o tupu na kotou alofa kiate au, ti na kotou tui na kau au mei le Atua.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 13:17

Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Tetelonome 28:1

Kapau e ke fakalogo loa ki le leo o le Eteleno, lou Atua, o tausi ti mo fai ana folafola fuli ala e kau tuku atu kiate koe i le aso nei, e soli loa e le Eteleno, lou Atua, kiate koe le tuulaga uluaki i puleaga fuli o le kele.

Tetelonome 28:11

E fakaapele loa a koe e le Eteleno ki nea malilie, o fakaliuliuga a fua o lou manava, mo fua o au kau manu, mo fua o lou kele, i le fenua leia na fakapapau e le Eteleno ki ou tamana ke soli atu kiate koe.

Tetelonome 30:5

E toe fakaliliu loa a koe e le Eteleno, lou Atua ki le fenua leia na maua e ou tamana, ti e ke toe maua tofiga loa a ia. E fai loa e le Eteleno kiate koe le malie, ti e toe fakaliliu loa e ia a koe o toe api ake i ou tamana.

Tetelonome 7:7

Na leaise tuku e le Eteleno lona alofa mo lana filifili kia koutou, o tupu e kotou api ake i puleaga fuli ; talie koutou ikiiki oki i kakai fuli o le kele.