Tetelonome 7:12 - Tosi Tapu

¹² Kapau e kotou fakalogo loa ki lekula ana, ti mo kotou tausi loa latou, ti mo kotou fai loa latou, ti e taupau loa e le Eteleno, lou Atua, lana sai mo lona manava alofa kiate koe, ala na fai e ia ki ou tamana.

Tetelonome 7:12 ပူးပေါင်းရင်းမြစ်များ

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 103:18

Kia latou ala e tausi ia lana sai, Ti e manatu ki ana folafola ke fai latou.

Pesalemo 149:9

Ke fai kia latou le tautea leia na tosi ! Ko se kololia a ia ki ana kau agatonu fuli. Kotou fakafetai ki le Eteleno !

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Selemia 11:5

Ti e kau fakasoko loa le fakapapau leia na kau fai ki okoutou tamana, Ke soli kia latou se fenua leia e tafe ai le sua u mo le meli, Ofaipe le nea leia e kotou tio ki ai i le aso nei. Ti na kau tali loa : Amene, Eteleno !

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Luka 1:55

Ofaipe lana fakasa ki otatou tamana, Kia Apalaamo mo lona sakoga o lee gato.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 11:13

Kapau e kotou fakalogo ki aku folafola ala e kau tuku kia koutou i le aso nei, kapau e kotou alofa ti mo kotou tausi le Eteleno, lokoutou Atua, i lokoutou loto katoa mo lokoutou laumalie katoa,

Tetelonome 5:10

kae e fakasa ia lona manava alofa o kaku ki le afe o tautupu kia latou ala e alofa kiate au ti mo tausi aku folafola.

Tetelonome 7:11

Koia ke ke tausi ai loa a folafola, mo lao, mo lekula ala e kau soli kiate koe i le aso nei, o fai latou.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.