Tetelonome 6:7 - Tosi Tapu

⁷ Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.

Tetelonome 6:7 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Sopo 8:10

E lotou ako atu loa kiate koe, e lotou masau atu loa kiate koe, Ti e lotou too loa mei lolatou loto a masau anei :

Pesalemo 119:13

I oku laugutu e kau lau A fakamaau fuli o lou gutu.

Pesalemo 119:46

E kau masau loa ki au pelesepeto i mua o sau, Ti e leaise kau luma loa.

Pesalemo 129:8

Ti e leaise pati fua latou ala e fakalaka : Ke nofo le tapuakina a le Eteleno ia koutou ! E motou tapuaki koutou i le suafa o le Eteleno !

Pesalemo 37:30

E fakasa e le gutu o le tagata agatonu le poto, Ti e masau lona alelo i le maoki.

Pesalemo 71:17

Ei Atua ! na ke ako au talu mei loku ikiiki, Ti na kau fakasa au nea malilie o kaku mai ki le aso nei.

Taagapati 10:21

E fagai e laugutu o le tagata agatonu se toka api, Kae ko tagata valelea e mamate o tupu ko lolatou sala atamai.

Taagapati 15:2

Ka masau le poto, e fakatupu e ia le fia iloa, Kae e fakatupu e le gutu o le kau vale le valea.

Taagapati 15:7

E liligi le poto e laugutu o le kau poto ; Kae e gaati le ulu o le kau vale.

Taagapati 6:22

E lotou taki loa a koe i lau saele, E lotou taupau loa a koe i lou moeaga, E lotou masau loa kiate koe i lou ala.

Esaia 38:19

Ko leia e mauli, ko leia e mauli, ko ia leia e fakafetai kiate koe, O tatau mo au i le aso nei ; E fakailoilo e le tamana ki ana fanau lou agatonu.

Malakia 3:16

Ti na masau loa latou ala e i ki le Eteleno ia latou ; Na tokaga loa le Eteleno, ti na fakalogo loa a ia. Ti na tosi loa se tosi fakamanatu i ona mua Kia latou ala e i ki le Eteleno Ti e fakaapaapa ki lona suafa.

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.

Luka 6:45

E too e le tagata agamalie le malie mei le koloa malie o lona loto, ti e too e le tagata agaveli le veli mei le koloa veli o lona loto ; talie e masau le gutu mei le mou o le loto.

Efeso 4:29

Ke aua na vilo fua mei lokoutou gutu se masau veli, kae, mo kapau e soko, se masau malie leia e aoga ki le faufau ti mo ave ia se kalasia kia latou ala e logo ki ai.

Efeso 6:4

Ti ko koutou, tamana, aua na kotou fakatupu itaita ki akoutou fanau, kae ke kotou taupau latou, o fakatonutonu latou ti mo ako latou ke popoto i le Aliki.

Tetelonome 11:19

Ke kotou ako loa latou ki akoutou fanau, ti ke kotou masaui loa latou mo ka ke nofo loa i lou fale, mo ka ke moe loa ti mo ka ke ala ake loa i lau moe.

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Kolose 4:6

Ke ano tuumau le kalasia i akoutou masau, ti ke fakakonakona latou e le patai, o tupu ke kotou iloa le tali leia e aoga ki le tagata taki toka tasi.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !

Lute 2:4

Ti ko leinei, na au loa Poase mei Peteleemi, ti na pati loa a ia ki le kau gaoi : Ke nofo le Eteleno mo koutou ! Na lotou tali loa kiate ia : Ke tapuaki le Eteleno kiate koe !

Lute 4:11

Na pati loa le kakai katoa leia na nonofo i le matapa mo le kau fakamatuatua : E motou fakamaoki ki ai ! Ke fakaliliu e le Eteleno le fafine leia kua ulu ki lou fale o tatau mo Lasele mo Lea, ala na tupu mei ai le kakai o Iselaele ! Ke fakasa lou makeke i Efalata, ti ke logologona lou igoa i Peteleemi !