Tetelonome 6:4 - Tosi Tapu

⁴ Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Tetelonome 6:4 ပူးပေါင်းရင်းမြစ်များ

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Lua tosi o Sau 19:5

Na ano loa a tagata fakasausau a le sau ko Esekiasi kia Esaia.

Uluaki tosi o Koloniko 29:10

Na fakafetai loa Tavite ki le Eteleno i mua o le fakatasiga katoa. Na pati loa a ia : Fakafetai kiate koe, Eteleno, Atua o lomatou tamana ko Iselaele, o lee gato mo lee gato.

Lua tosi o Koloniko 17:9

Na lotou ako loa ki le kakai o Suta le tosi o le lao a le Eteleno. Na lotou ano loa i kolo fuli o Suta, ti na lotou ako loa le kakai.

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Pesalemo 78:5

Na fakatuu e ia se fakamaoki ia Sakopo, Na tuku e ia se lao i Iselaele, Ti na fakatotonu e ia ki omatou tamana ke ako a ia ki alatou fanau,

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Mateo 22:37

Na tali loa Sesu kiate ia : E ke alofa loa ki le Aliki, lou Atua, i lou loto katoa, mo lou laumalie katoa, ti mo lau manatu katoa.

Luka 10:27

Na tali loa a ia : E ke alofa loa ki le Aliki, lou Atua, i lou loto katoa, mo lou laumalie katoa, mo lou makeke katoa, ti mo lou atamai katoa ; ti mo lou oloi ofaipe koe totonu.

Soane 10:30

Ko au mo le Tamana e ma toka tasi.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 3:30

talie ko le Atua fai e tasi, leia e fakamatatonu ia loa i le tui le kau silikosisio mo le kau lee silikosisio.

Efeso 4:6

mo se Atua e tasi ko le Tamana o tagata fuli, leia e nofo i aluga o tagata fuli, ti mo tagata fuli, ti i tagata fuli.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Tetelonome 5:6

Ko au ko le Eteleno, lou Atua, leia na fakamavae ia a koe mei le fenua o Esipito, leia na ke popula ai.

Uluaki tosi kia Timoteo 2:5

Talie ko le Atua e tasi, ti mo le tagata fakasokopati e tasi i le vasaa o le Atua mo tagata, ko Sesu-Kilisito tagata,

Sakopo 2:19

E ke tui e i ai se Atua fuai e tasi, e ke fai malie ; e tui foki le kau temonio ki ai, ti e lotou lulu.