Tetelonome 6:24 - Tosi Tapu

²⁴ Na fakatotonu loa e le Eteleno kia matou ke motou fai a lao mo lekula fuli ana, ti ke motou i ki le Eteleno, lomatou Atua, o tupu ke motou manuia tuumau, ti ke tausi e ia omatou mauli, ofaipe lana fai i le aso nei.

Tetelonome 6:24 ပူးပေါင်းရင်းမြစ်များ

Pesalemo 41:2

Manuia leia e tokaga ki le mativa ! I le aso o le malaia e saofaki a ia e le Eteleno ;

Pesalemo 41:3

E taupau a ia e le Eteleno ti e fakatologa e ia lona mauli. E manuia a ia i le malama nei, Ti e leaise ke tuku a ia ke pule faitalisa ki ai ona fili.

Pesalemo 66:9

Na taupau e ia omatou laumalie, Ti na leaise fakataga e ia ke seke omatou vae.

Ekesote 20:20

Na pati loa Moisese ki le kakai : Aua na kotou i ; talie na au le Atua kia koutou, o asiasii koutou, o tupu ke kotou maua le i kiate ia, ti ke aua na kotou agasala.

Taagapati 22:4

Ko le fua o le fakataulalo, o le i ki le Eteleno, Ko le mou koloa, mo le kololia, mo le mauli.

Taagapati 9:12

Kapau e ke poto, e ke maua loa le fua o lou poto ; Ti kapau e ke gologolo, ti e ke amo loa lona veli e koe toka tasi.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Luka 10:28

Na pati loa Sesu kiate ia : Kua ke tali totonu, fai a ia, ti e ke mauli loa.

Loma 10:5

Koia na fakasa ai e Moisese le faitotonu leia e au mei le lao : Ko le tagata leia e fai ia a nea ana, e mauli loa ia latou.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:4

Kae ko koutou, ala na pipiki loa ki le Eteleno, lokoutou Atua, koi kotou mauli fuli i le aso nei.

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Tetelonome 6:23

Ti na fakamavae loa e ia matou mei ai, o aumai matou ki le fenua leia na fakapapau e ia ki omatou tamana ke soli kia matou.

Tetelonome 8:1

Ke kotou tausi loa ti mo kotou fai loa a folafola fuli ala e kau tuku kia koutou i le aso nei, o tupu ke kotou mauli, ti ke kotou liuliuga, ti ke kotou ulu o maua tofiga le fenua leia na fakapapau e le Eteleno ke soli ki okoutou tamana.

Tetelonome 8:3

Na fakamamae e ia a koe, na fakapakupaku e ia a koe, na fagai e ia a koe ki le mane, leia na leaise ke iloa, ti na leaise iloa e ou tamana, ke ako kiate koe e leaise mauli fua le tagata ki le pane, kae e mauli a ia ki nea fuli ala e ulu mei le gutu o le Eteleno.