Tetelonome 6:2 - Tosi Tapu

² o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Tetelonome 6:2 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Senesi 22:12

Na pati loa le aselo : Aua na fafa lou lima ki le fanau, ti aua na ke fai se nea kiate ia ; talie e kau iloa i le aso nei e ke i ki le Atua, ti na leaise ke fakafiti mai kiate au lou vosa, lou fuatasi.

Uluaki tosi o Sau 8:40

ti e lotou i loa kiate koe i temi fuli e lotou mauli ai loa i le fenua leia na ke soli ki omatou tamana !

Sopo 28:28

Ti oki, na pati loa a ia ki le tagata : Ko leinei, ko le i ki le Eteleno ko le poto ; Ko le fakamamao mei le veli ko le atamai.

Pesalemo 111:10

Ko le i ki le Eteleno ko le kamataaga o le poto : Ko latou fuli ala e tausi ia a ia e maua ia se fakakaukau malie. E tuu lona kololia o lee gato.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 91:16

E kau fakamakona loa a ia i se mauli fualoa, Ti e kau fakatio loa a ia ki loku fakamauli.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Ekesote 20:20

Na pati loa Moisese ki le kakai : Aua na kotou i ; talie na au le Atua kia koutou, o asiasii koutou, o tupu ke kotou maua le i kiate ia, ti ke aua na kotou agasala.

Taagapati 16:6

I le agamalie mo le agatonu e fakamolemole ai ki le agaveli, Ti i le i ki le Eteleno e tafoki ai mei le veli.

Taagapati 3:16

I lona lima atamai e maua ai le mauli fualoa, I lona lima sema e maua ai le koloa ti mo le kololia.

Taagapati 9:11

Ko au leia e liuliuga ia loa ou aso, Ti e fakalasiia loa a fetuu o lou mauli.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Selemia 32:39

E kau soli loa kia latou se loto e tasi, mo se ala e tasi, O tupu ke lotou i tuumau kiate au, Ti ke lotou manuia ai, ti ke manuia ai foki alatou fanau i olatou muli.

Esekiele 20:19

Ko au ko le Eteleno, lokoutou Atua. Kotou mulimuli ki aku pelesepeto, ti kotou tausi aku fakatotonu, o fai latou.

Luka 12:5

E kau fakasa atu loa kia koutou leia e tonu ke kotou i ki ai. Kotou i ki leia, mo ka oki lana tamate, e maua ia le pule ke ti ki le afi lee gato ; io, e kau pati atu kia koutou, ko ia lena e tonu ke kotou i ki ai.

Tetelonome 10:20

Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 11:9

ti ke kotou mauli fualoa loa i le fenua lena na fakapapau e le Eteleno ke soli ki okoutou tamana mo lolatou sakoga, fenua leia e sali ai le sua manu mo le meli.

Tetelonome 13:4

Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 15:5

koleia fua, ke ke fakalogo loa ki le leo o le Eteleno, lou Atua, o tausi ti mo fai ana folafola katoa ala e kau tuku kiate koe i le aso nei.

Tetelonome 22:7

e ke tuku loa ke ano le tinana, kae e ke too loa a uviki, o tupu ke ke manuia mo ke mauli fualoa.

Tetelonome 30:19

E kau too i le aso nei ke fakamaoki kia koutou le lagi mo le kele : E kau tuku ki ou mua le mauli mo le mate, le tapuakina mo le malaia. Ke ke filifili le mauli, o tupu ke ke mauli, a koe mo lou sakoga,

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:24

Na fakatotonu loa e le Eteleno kia matou ke motou fai a lao mo lekula fuli ana, ti ke motou i ki le Eteleno, lomatou Atua, o tupu ke motou manuia tuumau, ti ke tausi e ia omatou mauli, ofaipe lana fai i le aso nei.

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.

Sosue 4:24

Na fai e ia le nea lena ke iloa e kakai fuli o le malama nei e mafimafi le lima o le Eteleno, ti ke kotou fakaapaapa tuumau loa ki le Eteleno, lokoutou Atua.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;