Tetelonome 6:18 - Tosi Tapu

¹⁸ Ke ke fai loa le nea leia e totonu mo le nea leia e malie ki mata o le Eteleno, o tupu ke ke manuia loa, ti mo ke ulu loa o maua tofiga le fenua malie leia na fakapapau e le Eteleno ki ou tamana ke soli atu kiate koe,

Tetelonome 6:18 ပူးပေါင်းရင်းမြစ်များ

Pesalemo 19:11

E lotou mauiga ake i le aulo, io, i le aulo mea lasi ; E lotou sua malie ake i le meli, io, i le meli leia e sali mei laui meli.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Esaia 38:3

Ei Eteleno ! ke ke manatui na kau saele i ou mua i le agatonu mo le loto saosaoa, ti na kau fai le nea leia e malie ki ou mata ! Ti na tagi loa Esekiasi i le lasi o lona mamae.

Esekiele 18:19

E kotou pati : Kolea e leaise amo ai loa e le vosa le agasala a lona tamana ? Talie na fai e le vosa o mulimuli ki le faitotonu mo le maoki, talie na tausi e ia ti mo fai e ia aku lao fuli ; e mauli loa a ia.

Esekiele 18:21

Kapau e tafoki mai loa le tagata agaveli i ana agasala fuli ala na fai e ia, ti kapau e tausi loa e ia aku lao fuli ti mo fai loa e ia le faitotonu mo le maoki, e mauli loa a ia, e leaise mate loa a ia.

Esekiele 18:27

Kapau e tafoki le tagata agasala i lana agaveli, o fai le faitotonu mo le maoki, e fakamauli loa e ia lona laumalie.

Esekiele 18:5

Ko le tagata leia e faitotonu, leia e fai ia le nea e totonu mo malie,

Esekiele 33:14

Ti kapau e kau pati ki le tagata agaveli : E ke mate loa ! - kae kapau e tafoki loa a ia i lana agaveli, o fai le nea leia e totonu mo maoki,

Esekiele 33:16

E galoi loa a agasala fuli ala na fai e ia ; kua fai loa e ia le faitotonu mo le maoki, e mauli loa a ia.

Esekiele 33:19

Ti kapau e tafoki le tagata agasala i lana agaveli, o fai le faitotonu mo le maoki, e mauli loa a ia, o tupu ko le nea lena.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Soane 8:29

Ko leia na kakau ia mai au e nofo mo au ; na leaise tuku e ia ke kau toka tasi ; talie e kau fai tuumau le nea leia e malie kiate ia.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Tetelonome 12:25

Ke aua na ke kai loa a ia, o tupu ke ke manuia, a koe mo ou fanau ki muli, i le fai o le nea leia e malie ki mata o le Eteleno.

Tetelonome 12:28

Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:10

I le aso leia e fakaulu ai loa a koe e le Eteleno ki le fenua leia na fakapapau e ia ki ou tamana, ko Apalaamo, mo Isaake, mo Sakopo, ke soli atu kiate koe, e ke maua loa i ai ni kolo lalasi mo fulumalilie ala na leaise ke fakatuu ia,

Tetelonome 6:19

mo ka oki loa lana kapu ou fili i ou mua, ofaipe lona fakasa e le Eteleno.

Tetelonome 8:11

Ke ke tokaga ai na galo loa iate koe le Eteleno, lou Atua, o ke tiaki loa ana folafola, mo ana fakatotonu, mo ana lao, ala e kau tuku kiate koe i le aso nei.