Tetelonome 6:15 - Tosi Tapu

¹⁵ Talie ko le Eteleno, lou Atua, ko se Atua finenonofo a ia i loto malie o ou. Talie e mu loa le sausau o le Eteleno kiate koe, ti e maumaui loa e ia a koe i aluga o le kele.

Tetelonome 6:15 ပူးပေါင်းရင်းမြစ်များ

Senesi 7:4

Talie, koi toe fua ni aso e fitu, ti e kau fakato ia loa le ua ki le kele i aso e kau fa mo po e kau fa, ti e kau fakapuli loa i aluga o le kele a nea fuli ala na kau fakatupu ia.

Uluaki tosi o Sau 13:34

Na fakatupu agasala le nea lena ki le fale o Selopoamo, ti ko le tupuaga lena o lona maumaui mo lona pulii i aluga o le kele.

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Pesalemo 90:11

Ko ai e tokaga ki le makeke o lou ita, Ti mo lau tautea, o mulimuli ki le i leia e tonu ke maua kiate koe ?

Pesalemo 90:7

Kua tutu matou e lou ita, Ti e motou mamae i lou sausau.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Amosi 3:2

Kua kau filifili koutou, koutou tefua i famili fuli o le malama nei ; Koia leia e kau tautea ai loa koutou o tupu ko akoutou agaveli fuli.

Amosi 9:8

Ko leinei, e tio a mata o le Aliki, le Eteleno, ki le puleaga agasala. E kau maumaui loa a ia i aluga o le malama nei ; Kae e leaise kau maumaui katoa loa le fale o Sakopo, E pati le Eteleno.

Numelo 35:34

E leaise kotou fakakelekele loa le fenua leia ka kotou nonofo ai loa, ti e kau toe nofo ai loa i loto malie o koutou. Talie ko au ko le Eteleno, e kau nofo i loto malie o fanau a Iselaele.

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 11:17

E tupu loa i ai le sausau o le Eteleno kia koutou ; e tapono loa e ia le lagi, ti e leaise toe to loa se ua ; e leaise toe soli loa e le kele ona fua, ti e kotou mamate vave loa i le fenua malie leia e soli atu loa kia koutou e le Eteleno.

Tetelonome 4:24

Talie ko le Eteleno, lou Atua, ko se afi maumau a ia, ko se Atua finenonofo.

Tetelonome 5:9

Ke aua na ke punou loa i mua o nea ana, ti aua na ke tausi loa kia latou ; talie ko au ko le Eteleno, lou Atua, ko au ko se Atua finenonofo, leia e tautea ia le agasala a tamana ki vosa o kaku ki le tolu mo le fa o tautupu o latou ala e vesia kiate au,

Tetelonome 7:4

talie e lotou fakamaliu ia loa ou vosa meiate au, o lotou tausi loa ki ni atua kese, ti e mu loa le sausau o le Eteleno kia koutou : Ti e maumaui loa e ia koutou fakafokifa.

Sosue 23:12

Kapau e kotou titua loa kiate ia, o pipiki loa ki le toega o puleaga ala koi nonofo ia koutou, ti kapau e kotou fakatasi loa mo puleaga ana i ni avaga, ti kapau e kotou filo loa mo latou,

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.