Tetelonome 5:33 - Tosi Tapu

³³ Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 5:33 ပူးပေါင်းရင်းမြစ်များ

Uluaki tosi o Sau 3:14

Ti kapau e ke saele i oku ala, o mulimuli ki aku lao mo aku fakatotonu, ofaipe Tavite, lou tamana, e kau fakatologa loa lou mauli.

Lua tosi o Sau 17:37

E kotou tausi loa ti e kotou fai tuumau loa a pelesepeto, mo fakatotonu, mo le lao ti mo folafola, ala na tosi e ia kia koutou, ti e leaise kotou i loa ki ni iki ake atua.

Uluaki tosi o Koloniko 28:8

I le lakaga nei, i mua o Iselaele katoa, mo le fakatasiga a le Eteleno, ti mo mua o lotatou Atua, leia e logo mai kia koutou, ke kotou tausi ti ke kotou afa fakamalotoloto a folafola fuli a le Eteleno, lokoutou Atua, o tupu ke kotou maua le fenua malie leinei, ti ke kotou tuku fakasosolo a ia ko le tofiga ki okoutou vosa i okoutou muli o lee gato.

Pesalemo 119:6

Ti e leaise kau luma loa, I le tio ki au folafola fuli.

Pesalemo 37:11

E maua e le kau mativa le fenua, Ti e lotou fiafia lasi i le tokamalie.

Pesalemo 37:22

Talie ko latou ala e tapuaki e le Eteleno e maua ia le fenua ; Ti ko latou ala e fakamalaia e ia e motusi loa.

Pesalemo 37:29

E maua loa e le kau agatonu le fenua, Ti e lotou nonofo loa i ai o lee gato.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 37:9

Talie e motusi loa le kau agaveli ; Kae ko latou ala e amanaki malie ki le Eteleno e maua ia loa le fenua.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Taagapati 3:1

Ei loku vosa, aua na galo aku akonaki iate koe, Ti ke taupau e lou loto aku pelesepeto ;

Selemia 42:6

Pe ko se nea e malie pe ko se nea e veli, e motou fakalogo loa ki le leo o le Eteleno, lomatou Atua, leia e motou kakau a koe ki ai, o tupu ke motou fiafia, mo kapau e motou fakalogo ki le leo o le Eteleno, lomatou Atua.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Esekiele 20:19

Ko au ko le Eteleno, lokoutou Atua. Kotou mulimuli ki aku pelesepeto, ti kotou tausi aku fakatotonu, o fai latou.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Efeso 6:3

o tupu ke ke manuia mo mauli fualoa i le malama nei.

Tetelonome 10:12

I le aso nei, Iselaele, kolea le nea leia e kole atu kiate koe e le Eteleno, lou Atua ? Ke ke i ki le Eteleno, lou Atua, o saele i ona ala fuli, o alofa mo tausi ki le Eteleno, lou Atua, i lou loto katoa mo lou laumalie katoa.

Tetelonome 11:9

ti ke kotou mauli fualoa loa i le fenua lena na fakapapau e le Eteleno ke soli ki okoutou tamana mo lolatou sakoga, fenua leia e sali ai le sua manu mo le meli.

Tetelonome 12:25

Ke aua na ke kai loa a ia, o tupu ke ke manuia, a koe mo ou fanau ki muli, i le fai o le nea leia e malie ki mata o le Eteleno.

Tetelonome 12:28

Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.

Tetelonome 22:7

e ke tuku loa ke ano le tinana, kae e ke too loa a uviki, o tupu ke ke manuia mo ke mauli fualoa.

Tetelonome 29:8

Na tou too loa lolatou fenua ti na tou tuku loa a ia ki le kau Lupeni, mo le kau Kate, mo le vaelua o le kau Manase.

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 5:16

Ke ke fakaapaapa ki lou tamana mo lou tinana, o fai ki le fakatotonu atu kiate koe e le Eteleno, lou Atua, o tupu ke tologa ou aso, ti mo ke manuia i le fenua leia e soli atu kiate koe e le Eteleno, lou Atua.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 6:1

Ko nei a folafola, mo lao, mo lekula ala na fakatotonu e le Eteleno, lokoutou Atua ke ako atu kia koutou, o tupu ke kotou tausi latou i le fenua leia ka kotou ulu loa ki ai o maua tofiga,

Tetelonome 6:3

Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.

Tetelonome 8:1

Ke kotou tausi loa ti mo kotou fai loa a folafola fuli ala e kau tuku kia koutou i le aso nei, o tupu ke kotou mauli, ti ke kotou liuliuga, ti ke kotou ulu o maua tofiga le fenua leia na fakapapau e le Eteleno ke soli ki okoutou tamana.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.