Tetelonome 4:39 - Tosi Tapu

³⁹ Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Tetelonome 4:39 ပူးပေါင်းရင်းမြစ်များ

Lua tosi a Samuele 7:22

Koia e ke lasi ai, ei Eteleno Atua ! Talie e leaise tasi e tatau mo koe, ti e leaise tasi ake Atua kese iate koe, o mulimuli ki nea fuli kua logo ki ai omatou taliga.

Uluaki tosi o Koloniko 17:20

Ei Eteleno, e leaise tasi ai e tatau mo koe, ti e leaise tasi ake Atua iate koe, o fakatatau ki nea fuli ala na logo ki ai omatou taliga.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Uluaki tosi o Koloniko 29:11

A au, Eteleno, le taualuga, mo le makeke, mo le maumau, mo le gigila, ti mo le kololia, talie ko nea fuli i le lagi mo le kele a au ; a au, Eteleno, le pule, talie e ke malaga o taualuga i nea fuli !

Lua tosi o Koloniko 20:6

Ti na pati loa a ia : Eteleno, Atua o omatou tamana, pe leaise ko le Atua a koe o le lagi, pe e leaise ko koe leia e pule ki puleaga fuli ? Pe e leaise ko koe leia e maua ia le makeke mo le mafimafi, talie e leaise mafai ke tuu se tasi i ou mua ?

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 115:3

E nofo lomatou Atua i le lagi, E fai e ia a nea fuli e finegalo a ia ki ai.

Pesalemo 135:6

Ko nea fuli ala e loto ki ai le Eteleno, e fai e ia latou, I le atu lagi mo le kele, I atu tai ti mo potu loloto fuli.

Ekesote 8:10

Na tanaki loa latou o fakatuuga, ti na sauga veli loa le fenua katoa.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Oseo 7:2

E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Tetelonome 32:12

Io, na taki e le Eteleno toka tasi lona kakai, Ti na leaise nofo se atua kese mo ia.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 6:4

Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Sosue 2:11

Na motou logo ki nea ana, ti kua motou loto gaegae ai, ti e leai fua se tagata koi maua ia se ga makeke ke tau kia koutou, talie ko le Eteleno ko lokoutou Atua, e Atua a ia i aluga i le lagi, ti mo le malama nei i lalo.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.