Tetelonome 4:35 - Tosi Tapu

³⁵ Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:35 ပူးပေါင်းရင်းမြစ်များ

Lua tosi a Samuele 22:32

Talie ko le toka tasi e Atua, ko le Eteleno ! Ti ko le toka tasi ko se utu, ko lotatou Atua !

Lua tosi a Samuele 7:22

Koia e ke lasi ai, ei Eteleno Atua ! Talie e leaise tasi e tatau mo koe, ti e leaise tasi ake Atua kese iate koe, o mulimuli ki nea fuli kua logo ki ai omatou taliga.

Uluaki tosi o Sau 8:60

o tupu ke iloa e kakai fuli o le kele, ko le Eteleno e Atua, ti e leaise tasi ake Atua !

Lua tosi o Sau 19:19

I le lakaga nei, Eteleno, lomatou Atua ! saofaki matou mei le lima o Sanekelipe, ti ke iloa e puleaga fuli o le kele, ko koe toka tasi ko le Atua, ei Eteleno !

Uluaki tosi o Koloniko 17:20

Ei Eteleno, e leaise tasi ai e tatau mo koe, ti e leaise tasi ake Atua iate koe, o fakatatau ki nea fuli ala na logo ki ai omatou taliga.

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 58:11

E fiafia loa le tagata agatonu i lana tio ki le totogi ; E fufulu loa e ia ona vae i le toto o le kau agaveli.

Pesalemo 83:18

Ke lotou luma ti ke lotou i tuumau, Ke lotou laulaunoa ti ke lotou mamate !

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 8:10

Na tanaki loa latou o fakatuuga, ti na sauga veli loa le fenua katoa.

Ekesote 8:6

Na tali loa Falaone : Ko apogipogi. Ti na pati loa Moisese : E fai ki ai, ke ke iloa e leaise tatau se tasi mo le Eteleno, lomatou Atua.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Maleko 12:29

Na tali loa Sesu : Ko leinei le uluaki : Fakalogo, Iselaele : ko le Aliki, lotatou Atua, ko le Aliki a ia e tasi ;

Maleko 12:32

Na pati loa le sekelipa kiate ia : E malie, ei pule ; kua ke fakasa ia le maoki ko le Atua e tasi, ti e leaise tasi ake Atua iate ia,

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Uluaki tosi ki le kau Kolinto 8:6

kae kia tatou ko le Atua fai e tasi, ko le Tamana, leia e au mei ai a nea fuli ti e fakalogo ki ai otatou mauli, ti mo le Aliki fai e tasi, ko Sesu-Kilisito, leia na fakatupu ia a nea fuli ti mo tatou foki.

Tetelonome 32:12

Io, na taki e le Eteleno toka tasi lona kakai, Ti na leaise nofo se atua kese mo ia.

Tetelonome 32:23

E kau tanaki mai loa a malaia kia latou, E kau kaloloi loa ke oki aku gasau kia latou.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Tetelonome 6:4

Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Uluaki tosi a Samuele 2:2

E leaise tasi e maokioki ofaipe le Eteleno ; E leaise tasi ake Atua kese iate koe ; E leaise utu ofaipe lomatou Atua.