Tetelonome 4:30 - Tosi Tapu

³⁰ I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;

Tetelonome 4:30 ပူးပေါင်းရင်းမြစ်များ

Senesi 49:1

Na kalagai loa e Sakopo ona vosa, o pati : Kotou fakatasi mai. Ti e kau fakasa loa kia koutou le nea leia ka soko loa kia koutou i temi ki muli.

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Pesalemo 107:13

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae.

Pesalemo 107:6

I lolatou mamae, na lotou tagi loa ki le Eteleno, Ti na saofaki loa e ia latou i olatou mamae.

Pesalemo 18:6

Na fui au e va o le nofoaga o le kau mate, Na mauatoka au e kupega o le mate.

Pesalemo 59:16

E lotou ano saele i potu fuli, o afa salatou nea kai, Ti e lotou momoe i le pouli kae leaise lotou makokona.

Ekesote 18:8

Na fakamatala loa e Moisese ki lona tamana a nea fuli ala na fai e le Eteleno kia Falaone mo Esipito o tupu ko Iselaele, a mamae fuli ala na soko kia latou i le ala, ti mo lolatou fakamauli e le Eteleno.

Esaia 1:19

Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 7:23

Kae ko leinei le fakatotonu leia na kau tuku kia latou : Kotou fakalogo ki loku leo, Ti e kau liliu loa ko lokoutou Atua, Ti e kotou liliu loa ko loku kakai ; Kotou saele i ala fuli ala na kau fakatotonu atu kia koutou, O tupu ke kotou manuia.

Tagi laulau a Selemia 3:40

Tou toe afa otou ala, ti tou asiasii latou, Ti tou toe liliu ki le Eteleno.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Numelo 24:20

Na tio loa Palaame kia Amaleke. Na fai loa e ia lana folafola fakatata, o pati : Ko Amaleke ko le uluaki a ia o atu puleaga, Kae e maumaui loa a ia i se aso.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Tetelonome 30:10

mo kapau e ke fakalogo loa ki le leo o le Eteleno, lou Atua, o tausi ana lao mo ana lekula ala e tuu i le tosi leinei o le lao, ti mo kapau e ke toe liliu loa ki le Eteleno, lou Atua, i lou loto katoa mo lou laumalie katoa.

Tetelonome 30:2

Ti kapau e ke toe liliu loa ki le Eteleno, lou Atua, ti kapau e ke fakalogo loa ki lona leo i lou loto katoa, mo lou laumalie katoa, a koe mo au fanau, o mulimuli ki le nea katoa leia e kau fakatotonu atu kiate koe i le aso nei,

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Tetelonome 31:29

Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,