Tetelonome 4:28 - Tosi Tapu

²⁸ I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.

Tetelonome 4:28 ပူးပေါင်းရင်းမြစ်များ

Lua tosi o Sau 17:40

Kae na leaise lotou fakalogo fua, o lotou muli i alatou aga masani.

Esaia 26:14

Ko latou ala kua mamate e leaise toe mauli loa, E leaise toe tutuu ake loa ki aluga ni ata ; Talie na ke tautea latou, na ke tamate latou, Ti na ke maumaui a fakamanatu fuli.

Esaia 44:11

Ko leinei, ko latou fuli ala e fau fakatata e luma loa ; Ti ko kau tufuga ko ni tagata ; Ke lotou fakatasi fuli, ke lotou au ki oku mua, Ti e lotou lulu fuli loa i le i, ti e lotou apele loa i le luma !

Esaia 44:12

E fai e le tagata gaoi ukamea se toki, E gaoi a ia mo ni malala, Ti e ta e ia ki le amale ; E gaoi a ia ki le makeke o lona lima ; Kae ka fia kai a ia, ti ko lena kua oki lona makeke ! Ti ka e leaise inu a ia, ti ko lena kua gaegae a ia !

Esaia 44:9

Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 46:7

E lotou amo a ia, ti e lotou teki a ia ki olatou tuauma ; E lotou fakatuu a ia ki lona tuuaga, ti e nofo a ia i ai ; E leaise taugaoi a ia i lona tuuaga ; Ti e lotou kalaga ki ai, kae e leaise tali a ia, E leaise fakamauli e ia i le mamae.

Selemia 10:3

Talie ko agai fenua o kakai ko nea noa ata. E tuuti le laakau i le vaomatua ; E gaoi ki ai le lima o le tagata tufuga aki le toki ;

Selemia 10:5

E fai a atua ana pe se pou fualasi, ti e leaise lotou masau fua ; E amo latou, talie e leaise mafai ke lotou saele. Aua na kotou i kia latou, talie e leaise lotou poto fua i le fai o se nea veli e tasi, Ti e leaise lotou mafai ia fua le fai o se nea malie.

Selemia 10:9

E aumai mei Talesisi ni laui siliva, ti mei Ufasi se aulo. E fau latou e le tagata gaoi ti mo le lima o le tagata gaoi ukamea. Ko kofu o atua ana ko ni kie na pena usi ti na pena kula, Ko le gaoiaga fuli latou a ni tagata popoto.

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Esekiele 20:32

E leaise kotou tio loa ki le fai o le nea leia e kotou manatu ki ai, mo ka e kotou pati : E motou loto ke motou tatau mo la ake puleaga, mo famili o la ake fenua, ti e motou loto ke motou tausi ki le laakau mo le fatu.

Esekiele 20:39

Ti ko koutou, fale o Iselaele, e folafola le Aliki, le Eteleno, o pati : Ke kotou tasi ano o tausi ki ona taulaatua ! Kae i le oki o le nea lena, e kotou fakalogo mai loa kiate au, ti e leaise kotou toe fakakelekele loa loku suafa taputapu ki akoutou moliga mo okoutou taulaatua.

Gaoi 19:26

kae kua kotou tio ti kua kotou logo, i Efeso mo Asia katoa, kua fakalotoi mo toso e le Paulo lena se kakai toka api ai, o pati ko atua ala na fau e le lima o le tagata, e leaise ko ni atua latou.

Gaoi 7:42

Koia na maliu ai loa le Atua meia latou ti na tuku loa e ia latou ke atolasio ki fetuu o le lagi, o mulimuli ki le nea leia e tuu i le tosi a le kau polofeta : Pe na kotou momoli mai kiate au ni vikitima mo ni sakilifisio Ilolotoga o fetuu e kau fa i le toafa, fale o Iselaele ?

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 29:17

Na kotou tio ki taulaatua fakalialia fuli ala e atolasio ki ai a puleaga ana, ko ni atua ala e fau ki laakau mo fatu, ti e teuteu ki le paaga mo le aulo.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !