Tetelonome 4:27 - Tosi Tapu

²⁷ E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.

Tetelonome 4:27 ပူးပေါင်းရင်းမြစ်များ

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Senesi 34:30

Ti na pati loa Sakopo kia Simeone mo Levi : Kua kolua fai se nea fakamamae kiate au, talie kua kau fakalialia ki mata o le kakai o le fenua leinei, ki le kau Kanaane mo le kau Felesi. E kau fakatasi loa a kakai ana kiate au. E lotou au loa o tamate au mo loku famili, talie e toka teiki fua aku tagata.

Neemia 1:3

Na lotou tali mai loa kiate au : Ko latou ala na toe i le popula e nonofo i le fenua, i se malaia lasi mo se luma lasi ; kua solo a paa fatu o Selusalemi, ti kua tutu ona matapa e le afi.

Pesalemo 106:27

Ke tuku lolatou sakoga ke mate i lotolotoga o atu puleaga, Ti ke veteki latou i loto malie o fenua pagani.

Pesalemo 44:11

E ke tuku ke motou solomuli i mua o le fili, Ti ko latou ala e vesia kia matou e kaia ia a koloa o omatou kau mate.

Pesalemo 44:12

E ke tuku matou kia latou ofaipe ni ovi kua filifili ke tamate ; E ke veteki matou i atu puleaga.

Esaia 17:6

E toe loa se ganea ke taetaega, ofaipe le oki leia o le lulu o se olive, Lua, tolu fa olive, i le tumutumu, Fa, lima, i ona laa ala na fua.

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Esekiele 11:16

Koia leia e ke pati ai loa : E folafola le Aliki, le Eteleno, o pati : Kapau e kau taofi latou i loto malie o atu puleaga, Kapau na kau fakamavetevete latou i fenua kesekese, E kau liliu loa kia latou ko se maloloaga i se ga temi I fenua ala na lotou kaku ki ai.

Esekiele 12:15

Ti e lotou iloa loa ko au ko le Eteleno, Mo ka kau veteki loa latou i atu puleaga, Mo ka kau fakamavete loa latou i fenua kesekese.

Esekiele 20:23

I le toafa, na kau toe siki foki loku lima kia latou ke veteki latou i lotolotoga o atu puleaga ti mo fakamavete latou i fenua kesekese,

Esekiele 22:15

E kau fakamavetevete loa a koe i atu puleaga, ti e kau veteki loa a koe i fenua kesekese, ti e kau pulii loa lau aga fakalialia i loto malie o ou.

Esekiele 32:26

I lena e i ai Meseke, mo Tupale, mo ala kau solia katoa, Ti kua takatakai o la tanuma e tanuma o ala kau solia. Na tamate a kau pagani fuli ana e le seleta, O tupu na lotou liligi le i i le fenua o le kau mauli.

Taniela 9:7

A au, Aliki, le faitotonu, kae a matou le luma i le aso nei, a tagata o Suta, mo le kakai o Selusalemi, ti mo Iselaele katoa, latou ala e nofo feofi mo latou ala e nofo mamao, i fenua fuli ala kua ke kapu latou ki ai, o tupu ko agatuu fuli ala na lotou agasala ai kiate koe.

Oseo 9:17

E tiaki loa latou e loku Atua, o tupu na leaise lotou fakalogo kiate ia, Ti e lotou foli noa loa i atu puleaga.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 29:28

Na liligi loa e le Eteleno lona sausau kaka mo fakaii ki lona kakai, ti na taaki loa e ia a ia mei lona fenua, ti na kapu loa e ia a ia ki se fenua kese, leia e nofo ai i le aso nei.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Tetelonome 32:26

Na kau manatu loa ke maumaui latou, Ti ke soloi oki olatou igoa i aluga o le kele.