Tetelonome 4:26 - Tosi Tapu

²⁶ e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Tetelonome 4:26 ပူးပေါင်းရင်းမြစ်များ

Senesi 19:13

Talie ka ma maumaui loa le ganea leinei, o tupu kua lasi ai le tagi ki lona kakai i mua o le Eteleno. Na kakau mai maua e le Eteleno ke ma au o maumaui a ia.

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Selemia 2:12

Atu lagi, kotou ofolele i le nea lena, Kotou lulu i le i ti mo le fakalialia !

Selemia 22:29

Kele, kele, kele, Fakalogo ki le folafola a le Eteleno !

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Esekiele 36:4

Mauga o Iselaele, kotou fakalogo mai ki le folafola a le Aliki, le Eteleno ! E folafola le Aliki, le Eteleno, o pati : Ki mauga lalasi mo mauga liliki, Ki liua mo vaivailiua, Ki potu kua toafa mo kolo kua tiaki, Ala kua liliu ko le nea kai mo le nea gologolo Ki la ake puleaga i le takatakai ;

Levitiko 18:28

Kotou tokaga na luluai loa koutou e le fenua, mo kapau e kotou fakakelekele loa a ia, ofaipe lana luluai latou ala na nonofo i ai i mua o koutou.

Mikea 1:2

Kotou fakalogo, koutou fuli, atu kakai ! Tokaga, kele, mo nea fuli iate koe ! Ke fakamaoki kia koutou le Aliki, le Eteleno, Le Aliki leia e nofo i le fale sau o lona maokioki !

Mikea 6:2

Kotou fakalogo, mauga, ki le fakamaau a le Eteleno, Ti mo koutou, fakatafito makeke o le kele ! Talie e ia se fakamaau a le Eteleno mo lona kakai, E loto a ia ke masau mo Iselaele.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Tetelonome 11:17

E tupu loa i ai le sausau o le Eteleno kia koutou ; e tapono loa e ia le lagi, ti e leaise toe to loa se ua ; e leaise toe soli loa e le kele ona fua, ti e kotou mamate vave loa i le fenua malie leia e soli atu loa kia koutou e le Eteleno.

Tetelonome 28:20

E kakau mai loa e le Eteleno kiate koe le malaia, mo le mamae, mo le tautea, i au gaoi fuli, o kaku ki lou maumaui mo lou mate fakafokifa, o tupu ko le fakalialia o au gaoi mo lau tiaki ia le Eteleno.

Tetelonome 28:22

E tautea loa a koe e le Eteleno ki le fakalaulautetea, mo le fiva, mo le fufula, mo le vela, mo le masunu, mo le popo, ala e muli loa iate koe o kaku ki lou mate.

Tetelonome 28:45

E au loa malaia fuli kiate koe, ti e lotou muli loa iate koe, ti e lotou maua loa a koe o kaku ki lou maumaui oki, talie na leaise ke fakalogo loa ki le leo o le Eteleno, lou Atua, o tausi ana folafola mo ana lao ala e soli atu e ia kiate koe.

Tetelonome 28:61

E toe kakau mai loa e le Eteleno kiate koe a masaki kesekese fuli mo malaia kesekese fuli ala e leaise tuu i le tosi o le lao leinei, o kaku ki lou maumaui.

Tetelonome 29:28

Na liligi loa e le Eteleno lona sausau kaka mo fakaii ki lona kakai, ti na taaki loa e ia a ia mei lona fenua, ti na kapu loa e ia a ia ki se fenua kese, leia e nofo ai i le aso nei.

Tetelonome 31:28

Ke kotou fakatasii mai ki oku mua a fakamatuatua fuli o okoutou faasiga, mo okoutou ofisa. E kau lau loa a folafola anei ke lotou logo ki ai ti e kau too ia loa le lagi mo le kele ke fakamaoki kia koutou.

Tetelonome 32:1

Atu lagi, fakalogo mai ou taliga, ti e kau masau loa. Kele, fakalogo mai ki masau o loku gutu.

Tetelonome 7:4

talie e lotou fakamaliu ia loa ou vosa meiate au, o lotou tausi loa ki ni atua kese, ti e mu loa le sausau o le Eteleno kia koutou : Ti e maumaui loa e ia koutou fakafokifa.

Tetelonome 8:19

Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.

Tetelonome 8:20

Io, e kotou mamate loa ofaipe puleaga ala na tamate e le Eteleno i okoutou mua, talie na leaise kotou fakalogo ki le leo o le Eteleno, lokoutou Atua.

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.

Sosue 24:20

Kapau e kotou tiaki loa le Eteleno ti kapau e kotou tausi loa ki ni atua kese, e maliu atu loa a ia kia koutou o tautea koutou ti mo tamate koutou, ti e maumaui loa e ia koutou i le oki o lana tapuaki kia koutou.