Tetelonome 4:20 - Tosi Tapu

²⁰ Kae ko koutou, kua too koutou e le Eteleno, ti na fakamavae e ia koutou mei le gutuumu ukamea o Esipito, ke kotou soko ko le kakai o lona tofiga totonu, ofaipe lakotou nofo i le aso nei.

Tetelonome 4:20 ပူးပေါင်းရင်းမြစ်များ

Uluaki tosi o Sau 8:51

talie ko lou kakai latou mo lou tofiga, ti na ke fakamavae latou mei Esipito, mei loto malie o le gutuumu ukamea ulaula.

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 33:12

Manuia le puleaga leia e Atua ki le Eteleno ! Manuia le kakai leia na filifili e ia ko lona tofiga !

Ekesote 1:13

Koia na fakapopulai fakaveliveli loa e le kau Esipito a fanau a Iselaele.

Ekesote 1:14

Na lotou fakamamae lolatou mauli ki ni gaoi mamafa ki le kelepulu, mo le fau piliki, ti mo gaoi kesekese i faisaga. Ti na lotou fakamaua kia latou a gaoi fuli ana ki le aga tukipo.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 48:10

Na kau tuku a koe ki le gutuumu kaka, kae na leaise ko le gutuumu leia e fakamea ai le paaga ; Na kau asiasii a koe i le gutuumu o le mamae.

Selemia 11:4

Leia na kau tuku ki okoutou tamana, I le aso leia na kau fakamavae ai latou mei le fenua o Esipito, Mei le gutuumu ukamea kaka, o pati : Kotou fakalogo ki loku leo, ti kotou fai a nea fuli ala e kau fakatotonu atu loa kia koutou ; Ti e kotou liliu loa ko loku kakai, Ti e kau liliu loa ko lokoutou Atua.

Taniela 3:26

Ti na fakafeofi loa Nepukatenesale ki mua o le gutuumu kaka, ti na masau loa a ia, o pati : Satalake, mo Mesake, mo Apeteneko, tagata fakasausau a le Atua taualuga, kotou ulu mai ki fafo, ti kotou au ! Ti na mavae ake loa Satalake, mo Mesake, mo Apeteneko mei loto o le afi.

Efeso 1:11

Iate ia kua tou liliu foki ko fanau mau tofiga, talie kua filifili fakatomua e ia tatou o mulimuli ki le fakatuutuu a leia e fai ia a nea fuli o mulimuli ki le tokoi o lona finegalo,

Efeso 1:18

ti ke fakamalamai e ia a mata o okoutou loto, o tupu ke kotou iloa le lasi o le amanaki malie leia e pipiki ki lana kalaga, mo le lasi o koloa o lona tofiga leia e taofi e ia ki le kau sagato,

Tetelonome 14:2

Talie ko se kakai maokioki a koe ki le Eteleno, lou Atua ; ti kua filifili a koe e le Eteleno, lou Atua, ke ke liliu ko lona kakai alofaina i kakai fuli i aluga o le malama nei.

Tetelonome 26:18

I le aso nei, na maua loa e le Eteleno meiate koe le fakapapau leia ke ke nofo loa ko lona kakai, leia e mauiga kese loa kiate ia, o fai ki lana pati kiate koe, ti mo ke tausi loa ana folafola fuli,

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Tetelonome 7:6

Talie ko se kakai a koe leia kua fakatapui ki le Eteleno, lou Atua. Ti kua filifili a koe e le Eteleno, lou Atua, ke ke liliu ko se kakai alofaina kiate ia, i kakai fuli ala e maua i aluga o le kele.

Tetelonome 9:26

Na kau kole ki le Eteleno, o kau pati : Aliki Eteleno, ke aua na ke maumaui lou kakai, lou tofiga, leia na ke saofaki i lou mafimafi, leia na ke fakamavae mei Esipito ki lou lima makeke.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,