Tetelonome 4:12 - Tosi Tapu

¹² Ti na masau loa le Eteleno kia koutou mei loto malie o le afi. Na kotou logo loa ki le leo o masau, kae na leaise kotou tio loa ki ni mata, na kotou logo fua ki le leo.

Tetelonome 4:12 ပူးပေါင်းရင်းမြစ်များ

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 20:22

Na pati loa le Eteleno kia Moisese : E ke masau feneeki loa ki fanau a Iselaele : Kua kotou tio mata ki laku masau mei lagi kia koutou.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 40:18

Ko ai e kotou loto ke fakatatau ki ai le Atua ? Ti ko le fakatata fea leia e kotou fakatatau a ia ki ai ?

Esaia 40:3

Kua kalaga se leo : Kotou teuteu i le toafa le ala o le Eteleno, Kotou fakatokatoka i ganea kele kaka Se ala ki lotatou Atua.

Esaia 40:6

Na pati se leo : Kalaga ! Ti na tali a ia : Kolea ke kau kalaga ? E tatau tagata fuli mo le mutie, Ti e tatau lona kololia mo le se o faisaga.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 3:17

Ti ko leinei, na kalaga loa se leo mei le lagi, o fakasa a masau anei : Ko ia leinei ko loku Alo alofaina, leia kua kau tuku ki ai loku alofa katoa.

Mateo 3:3

Ko Soane ko ia leia na pati ki ai le polofeta ko Isaia, i lana pati : Ko leinei le leo o leia e kalaga i le toafa : Kotou teuteu le ala o le Aliki, Kotou fakasakosako ona ala liliki.

Tetelonome 10:4

Na tosi loa e le Eteleno ki laui fatu le nea leia na tosi i laui fatu uluaki, a folafola e kau agafulu ala na fakasa e ia kia koutou i le mauga, mei loto malie o le afi, i le aso o le fakatasi. Ti na soli mai loa laua e le Eteleno kiate au.

Tetelonome 4:11

Na kotou fakafeofi ake loa ti na kotou tutuu loa i lalo o le mauga. Na ulaula katoa le mauga o kaku ki le lagi, ti na kofu a ia e se kokofu, mo se ao, mo se fakapouli matotolu.

Tetelonome 4:13

Na fakasa loa e ia lana fakapapau, leia na fakatotonu e ia ke kotou tausi, a folafola e kau agafulu ; ti na tosi loa e ia latou i ni fatu e lua.

Tetelonome 4:15

Koia ke kotou tokaga ai kia koutou totonu, talie na leaise kotou tio ki ni mata i le aso leia na masau ai le Eteleno kia koutou i le mauga o Olepe, mei loto malie o le afi,

Tetelonome 4:33

Pe ku i ai se puleaga leia kua logo ki le leo o le Atua leia e masau mei se afi, ofaipe lau logo ki ai, ti na ke mauli ?

Tetelonome 4:36

Mei le lagi, na fakasa e ia lona leo kiate koe, o ako a koe ke poto i le fakalogo ki lona leo. I le kele, kua fakatio e ia a koe ki se afi lasi, ti kua ke logo ki lana masau mei loto o le afi.

Tetelonome 5:22

Ko na folafola ala na fakasa e le Eteleno ki le fakatasi katoa o fanau a Iselaele, i se leo makeke, mei loto malie o le afi, mo le afu, mo le ao matotolu. Na leaise toe tuku loa e ia se tasi ake folafola. Na tosi loa e ia latou i ni fatu e lua ti na tuku mai loa e ia laua kiate au.

Tetelonome 5:4

Na masau le Eteleno kia koutou, a mata ki mata i le mauga, mei loto malie o le afi.

Tetelonome 9:10

ti na tuku mai loa kiate au e le Eteleno a laui fatu e lua, ala kua tosi ai e lona lima totonu a folafola fuli ala na fakasa e ia kia koutou mei loto malie o le afi, i le aso leia na kotou fakatasi ai i lalo o le mauga.

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Epelo 12:19

pe ki le tagi o fakatagi pupusi, pe ki le logoa o masau, o tupu ai le kole e latou ala na logo ki nea ana ke aua na toe masau ake kia latou ;