Tetelonome 34:4 - Tosi Tapu

⁴ Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Tetelonome 34:4 ပူးပေါင်းရင်းမြစ်များ

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Numelo 20:12

Ti na pati loa le Eteleno kia Moisese mo Alone : Talie na leaise kolua tui mai kiate au, o fakasa loku maokioki i mua o fanau a Iselaele, e leaise kolua fakaulu ia loa le kakai leinei ki le fenua leia e kau soli kiate ia.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Tetelonome 1:37

Na sausaua foki le Eteleno kiate au, o tupu ko koutou, ti na pati loa a ia : Ko koe foki, e leaise ke ulu loa ki le fenua.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 32:52

E ke tio loa ki le fenua mei mamao, kae e leaise ke ulu loa ki le fenua leia e kau soli ki fanau a Iselaele.

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.

Tuifakamaau 1:16

Na pale ake loa a vosa o le tagata Kenia, tamana o le avaga o Moisese, mei Seliko, kolo o palemie, mo vosa o Suta, ki le toafa o Suta i le potu saute o Alate, ti na lotou ano loa o nonofo mo le kakai.