Tetelonome 34:1 - Tosi Tapu

¹ Na pale loa Moisese mei le toafa o Moape ki le mauga o Nepo, ki le tumutumu o Pisika, leia e tuu i mua o Seliko. Na fakatio loa a ia e le Eteleno ki le fenua katoa :

Tetelonome 34:1 ပူးပေါင်းရင်းမြစ်များ

Senesi 13:14

Na pati loa le Eteleno kia Apalamo, i le oki o le mavae o Lote iate ia : Siki ou mata, ti ke tio mei le ganea leia e ke nofo ai ki le potu noleto mo le potu saute, ki le potu esite mo le potu uesite ;

Senesi 14:14

I le maua e Apalamo o le logo kua ave popula lona taina, na tufa loa e ia ni masafu ki tino lelau e tolu mo le tino agafulu tupu valu o ana tagata fakasausau loto toa, ala na tupu i lona fale, ti na kapu loa e ia a sau o kaku ki Tane.

Esekiele 40:2

Na ave loa e ia au ki ai i ni tio fakaatua, ti na tuku loa e ia au i le tumutumu o se mauga taualuga lasi ai, leia na tuu ai, i le potu saute, se nea leia na faipe se kolo leia e laga.

Numelo 21:20

mei Pamoti, ki le vaivailiua leia e fakalaka i le fenua o Moape, o ano fakaaga ki le tumutumu o le mauga ko Pisika, leia e tio ai ki le toafa.

Numelo 23:14

Na taki loa e ia Palaame ki le faisaga a Sofimi, i le tumutumu o le mauga ko Pisika. Na fakatuu loa e ia ni aletale e fitu, ti na momoli loa e ia se pipi tagata mo se ovi tagata i aluga o aletale taki tasi.

Numelo 27:12

Na pati loa le Eteleno kia Moisese : Pale ki le mauga lena o Apalimi, o tio ki le fenua leia kua kau soli ki fanau a Iselaele.

Numelo 33:47

Na lotou mavae loa i Alemone-Tipalataimi, ti na lotou nonofo loa i le mauga ko Apalimi, i mua o Nepo.

Tetelonome 3:27

Pale ki le tumutumu o le mauga ko Pisika, ti ke fakamavaa lasi loa ou mata, o tio ki le uesite, mo le noleto, mo le saute, mo le esite ; talie e leaise ke fakalaka loa i le Solotane lena.

Tetelonome 32:49

Ke ke pale ki le mauga o Apalimi, i le tumutumu o le mauga ko Nepo, i le fenua o Moape, i mua o Seliko ; ti ke tio loa ki le fenua o Kanaane leia ka kau soli loa ke maua tofiga e fanau a Iselaele.

Tetelonome 32:52

E ke tio loa ki le fenua mei mamao, kae e leaise ke ulu loa ki le fenua leia e kau soli ki fanau a Iselaele.

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Sosue 19:47

Ko le gatoaga lena o le tofiga o vosa o Tane leia na soli kia latou. Koia na pale ai loa a vosa o Tane o taui a Lesemi, o lotou too loa a ia, kae na lotou tamate loa le kakai katoa. Na lotou nonofo loa i le kolo ti na lotou fakaigoa loa a ia ko Tane, ki le igoa o lolatou tamana ko Tane.

Sosue 22:9

Na toe liliu loa a vosa o Lupeni, mo Kate, mo le vaelua o Manase, ki olatou falela. Na lotou poloaki loa mo la ake fanau a Iselaele i Silo, i le fenua o Kanaane. Ti na lotou ano loa ki le fenua o Kalaate, fenua leia na soli kia latou, o mulimuli ki le fakatotonu a le Eteleno leia na tuku e Moisese.

Apokalipisi 21:10

Ti na ave loa e ia au i le laumalie ki se mauga lasi mo taualuga. Ti na fakasa mai loa e ia kiate au le kolo maokioki, ko Selusalemi, leia na ifo mei le lagi, mei tafa o le Atua, ti e maua ia le kololia o le Atua.

Tuifakamaau 18:29

na lotou fakaigoa loa a ia ko Tane, ki le igoa o lotatou tamana ko Tane, vosa o Iselaele ; kae na igoa le kolo i mua ko Laisi.