Tetelonome 33:25 - Tosi Tapu

²⁵ Ke ukamea mo kapa ou loka, Ti ke tologa lou makeke ofaipe le tologa o lou mauli !

Tetelonome 33:25 ပူးပေါင်းရင်းမြစ်များ

Senesi 49:20

Ko Asele, e fakatupu loa e ia se nea kai malie ai, ti e teuteui loa e ia a nea kai fakaeteete a sau.

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Pesalemo 147:13

Talie e fakamakeke e ia a ukamea fakamau o ou matapa, E tapuaki a ia ki ou vosa i loto malie o ou ;

Esaia 40:29

E soli e ia se makeke ki leia kua gaegae, Ti e fakaapele e ia ki le makeke leia kua oki lona makeke.

Esaia 40:31

Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Luka 15:22

Kae na pati loa le tamana ki ana tagata fakasausau : Kotou aumai vave le kofu fulumalie oki, ti kotou tui a ia kiate ia ; kotou velo mo se mama ki lona maikao, ti kotou tui mo ni taka ki ona vae.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Efeso 6:15

ti kotou sa taka i okoutou vae ki le mafi o le Evaselio o le tokamalie ;

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 8:9

fenua leia e ke kai ai loa le pane i le mou, leia e leaise toe puli ai loa se nea kiate koe ; fenua leia e fatu ko ukamea, ti e ta mei ona mauga le kapa.

Filipe 4:13

E kau mafai a nea fuli i leia e fakamakeke ia au.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Sosue 14:11

Koi kau makeke ofaipe le aso leia na kakau ai au e Moisese ; koi kau nofo nei mo loku makeke katoa leia na kau nofo mo ia i le temi lena, tatau pe ke ano o tau, pe ke ulu ki fafo, pe ke ulu ki loto.