Tetelonome 33:22 - Tosi Tapu

²² Kia Tane, na pati a ia : Ko Tane ko se laione muli, Leia e sopo mei Pasani.

Tetelonome 33:22 ပူးပေါင်းရင်းမြစ်များ

Uluaki tosi o Koloniko 12:35

I vosa o Tane, ko tagata popoto i le tau, ko le tino lua tupu valu mo tino lelau e ono.

Sopo 37:1

Kua lulu katoa loku mafu, Kua masau a ia mei lona nofoaga.

Esekiele 19:2

Ti ke pati : Ko ai lou tinana ? Ko se laione fafine. Na moe a ia i lotolotoga o ni laione tagata ; Na taupau e ia ona uviki i loto malie o ni laione muli.

Esekiele 19:3

Na fagai e ia se tasi o ona uviki, Leia na liliu loa ko se laione tupulaga, Ti na poto loa i le afa o lana nea kai ; Na kai loa e ia ni tagata.

Sosue 19:47

Ko le gatoaga lena o le tofiga o vosa o Tane leia na soli kia latou. Koia na pale ai loa a vosa o Tane o taui a Lesemi, o lotou too loa a ia, kae na lotou tamate loa le kakai katoa. Na lotou nonofo loa i le kolo ti na lotou fakaigoa loa a ia ko Tane, ki le igoa o lolatou tamana ko Tane.

Tuifakamaau 13:2

Na i ai loa se tagata o Tesoa, mei le famili o Tane, ti na igoa a ia ko Manoa. Na paa loa lona avaga, ti na leaise fanau loa a ia.

Tuifakamaau 14:19

Na too loa e le Laumalie o le Eteleno a Samisoni, ti na ifo loa a ia ki Asakaloni. Na tamate loa e ia i ai ni tagata e kau tolu, ti na too loa e ia olatou teu o soli kia latou ala na fakamatala ia le mate. Ti na toe liliu loa a ia ki le fale o lona tamana mo se ita lasi.

Tuifakamaau 14:6

Na too loa e le Laumalie o le Eteleno a Samisoni, leia na saei ia loa le laione ofaipe se saei o se uviki koti, kae na leaise too e ia se nea i lona lima. Na leaise fakasa loa e ia ki lona tamana mo lona tinana le nea leia fai e ia.

Tuifakamaau 15:15

Na maua loa e ia se ivi o le kaugutu o se asino leia nao tamate fua, ti na falo loa e ia lona lima o too a ia, ti na tamate loa e ia le kau tagata e tino afe.

Tuifakamaau 15:8

Na tamate loa latou e Samisoni ; ti na ano loa a ia, o nofo i le ana o le utu ko Etami.

Tuifakamaau 16:30

Ti na pati loa Samisoni : Ke kau mate mo le kau Filisitini ! Ti na tekei loa e ia i lona makeke katoa a pou, ti na solo loa le fale tapu ki pule mo le kakai katoa leia na nonofo i ai. Ko latou ala na mate mo Samisoni na api ake ia latou ala na tamate e ia i le lolotoga o lona mauli katoa.

Tuifakamaau 18:27

Na lotou too loa i lena le nea leia na fai e Mika, ti na lotou ave foki mo le tagata faisakilifisio leia na gaoi kiate ia, ti na lotou osoi loa Laisi, o tamate se kakai leia na nofo i le fulufulumalie mo le fanaki ; na lotou taai a ia ki le mata o le seleta, kae na lotou tutu le kolo ki le afi.