Tetelonome 33:17 - Tosi Tapu

¹⁷ E maua e ia le mamalu o lana pipi tagata leia na uluaki tupu ; Ko ona tala ko tala o le pipi vao, Ti e tamate loa e ia ki ai a puleaga fuli, O kaku ki potupotu o le kele : Ko miliate latou o Efalaimi, Ko tino afe latou o Manase.

Tetelonome 33:17 ပူးပေါင်းရင်းမြစ်များ

Senesi 48:19

Kae na fakafiti loa lona tamana, o pati kiate ia : E kau iloa, ei loku vosa, e kau iloa ! Mo ia foki e liliu loa a ia ko se kakai toka api, mo ia foki e liliu loa a ia ko se puleaga lasi ; kae e liliu loa lona taina muli o lasi ake iate ia, ti e liliu loa lona sakoga ko ni puleaga mauke.

Uluaki tosi o Sau 22:11

Na fai e Setesiasi, vosa o Kenaana, ni tala ukamea kiate ia, ti na pati loa a ia : Ko leinei le folafola a le Eteleno : E ke taai loa ki tala anei le kau Silia, ti e ke maumaui loa latou.

Uluaki tosi o Koloniko 12:31

I le vaelua o le faasiga o Manase, ko le tino agafulu tupu valu afe, ala na filifili ke ano o fakanofo ke sau Tavite.

Uluaki tosi o Koloniko 12:32

I vosa o Isakale, ala na iloa ia le anoaga o le temi ti na matala ki le nea leia na tonu ke fai e Iselaele, ko pule e tino lelau e lua mo olatou fetaina fuli ala na fakalogo kia latou.

Uluaki tosi o Koloniko 5:1

Ko vosa o Lupeni, vosa uluaki o Iselaele. Talie ko ia leia na uluaki tupu ; kae, o tupu na fakakelekele loa e ia le moeaga o lona tamana, na soli loa lona pule fakauluaki ki vosa o Sosefo, vosa o Iselaele ; kae na leaise tosi loa Sosefo i sakoga ko le uluaki.

Uluaki tosi o Koloniko 5:2

Talie na makeke ake Suta i ona fetaina, ti na tupu mei lona sakoga se sau ; kae na nofo le pule o le uluaki mo Sosefo.

Uluaki tosi o Koloniko 5:23

Na nonofo a vosa o le vaelua o le faasiga o Manase i le fenua, mei Pasani o kaku ki Paale-Elemoni mo Senili, ti mo le mauga o Elemoni ; na lotou api ai.

Lua tosi o Koloniko 18:10

Na fai loa e Setesiasi, vosa o Kenaana, ni ona tala ukamea, o pati : Ko leinei le folafola a le Eteleno : Ki tala anei, e ke taai loa le kau Silia o kaku ki lolatou maumaui.

Pesalemo 22:21

Ke ke puipui loku laumalie i le seleta, Mo loku mauli i le pule o ni kuli !

Pesalemo 29:6

E fakasopo e ia latou ofaipe ni uviki pipi, Ti mo le Lipane mo le Silioni ofaipe ni pipi vao muli.

Pesalemo 44:5

Ei Atua ! ko koe ko loku sau : Ke ke fakatotonu le fakamauli o Sakopo !

Pesalemo 60:7

O tupu ke saofaki ou alofaaga, Ke ke fakamauli ki lou lima atamai, ti ke ke tali matou !

Pesalemo 92:10

Talie ko leinei, ko ou fili, ei Eteleno ! Talie ko leinei, e mamate ou fili ; Ko latou fuli ala e fai i le veli e fakamavetevete loa.

Esaia 34:7

Kua vivilo a pipi vao mo latou, Ti mo pipi tagata sele mo pipi tagata ; Kua kona le kele i le toto, Ti kua mau le one i le gako.

Esekiele 34:21

Talie na kotou aga o tule ki okoutou fetuu mo okoutou vae mua, ti na kotou aga o soka ki okoutou tala, a ovi gaegae, o kaku ki lakotou aga o kapu latou i le kau manu,

Taniela 8:4

Na kau tio loa ki le ovi tagata leia na ta ia ona tala ki le uesite, mo le noleto, ti mo le saute ; na leaise mafai e se manu e tasi ke tuu i ona mua, ti na leaise mafai e se tasi ke saofaki ia mei ona lima ; kae na fai e ia ki lona loto, ti na liliu loa a ia o makeke.

Oseo 5:3

E kau iloa Efalaimi, Ti e leaise munia Iselaele i oku mata ; Talie i le temi nei, Efalaimi, kua ke faiaga, Ti kua fakakelekele Iselaele.

Oseo 6:4

Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Oseo 7:1

I le aso na kau loto ai ke faitoo Iselaele, Na sa loa le agaveli a Efalaimi ti mo le agaitaita a Samalia, Talie na la fai nea fakakaia : Na ulu le tagata kaia ki loto, kae na mavetevete i fafo le toega o le kau kaia.

Numelo 23:22

Na fakamavae latou e le Eteleno mei Esipito, E fai a ia kia latou pe le makeke o le pipi vao.

Numelo 24:8

Na fakamavae a ia e le Atua mei Esipito, Ti e fai a ia kiate ia pe le makeke o le pipi vao. E kai e ia a puleaga ala e malaga kiate ia, E gugu e ia olatou ivi, ti e tamate e ia latou ki ana gasau.

Numelo 26:34

Ko famili ana o Manase, ala na kau i le tosi : ko le tino lima tupu lua afe mo tino lelau e fitu (52 700).

Numelo 26:37

Ko famili ana o vosa o Efalaimi, ala na kau i le tosi : ko le tino tolu tupu lua afe mo tino lelau e lima (32 500). Ko vosa ana o Sosefo, o mulimuli ki olatou famili.

Sosue 17:14

Na masau loa a vosa o Sosefo kia Sosue, o pati : Kolea na ke tuku ai loa kia matou se tofiga e tasi, kae ko leinei e motou api, talie na tapuaki le Eteleno kia matou o kaku mai ki le aso nei ?

Sosue 17:18

Kae e kotou maua loa le mauga, talie ko se vaomatua leia e kotou faala loa, ti e kotou maua loa ona ala fuli, ti e kotou nofoi loa a ia katoa. E kotou kapu loa le kau Kanaane, logo ai alatou saliote ukamea mo lolatou makeke.

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.