Tetelonome 32:6 - Tosi Tapu

⁶ Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Tetelonome 32:6 ပူးပေါင်းရင်းမြစ်များ

Lua tosi a Samuele 7:24

Na ke fakamakeke lou kakai ko Iselaele, o tupu ke liliu a ia ko lou kakai o lee gato ; ti ko koe, ei Eteleno, kua ke liliu ko lona Atua.

Sopo 10:8

Ko ou lima totonu ala na fau ia au, ti na lotou fakatupu ia au, Ti na lotou fau katoa ia au… Ti e ke loto loa ke ke maumaui au !

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 116:12

Pe feaki loa ke kau liufaki ki le Eteleno Ana nea malilie fuli kiate au ?

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 74:18

Eteleno, manatui na lauveli le fili kiate koe, Ti na gologolo se kakai valea ki lou suafa !

Pesalemo 74:2

Manatui lou kakai leia na ke totogi i mua ; Manatui a faasiga ala na ke totogi ko lou tofiga ! Manatui le mauga o Sione, leia na ke fai ai lou nofoaga ;

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Ekesote 15:16

Kua mautoka latou e le lulu mo le i ; I le makeke o lou lima, E lotou liliu loa o gutu mate ofaipe ni fatu, O kaku ki le fakalaka o lou kakai, Eteleno ! O kaku ki le fakalaka O le kakai, leia na ke totogi.

Ekesote 4:22

E ke pati loa kia Falaone : E masau le Eteleno, o pati : Ko loku vosa Iselaele, loku uluaki.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Esaia 64:8

Aua na tuku lou sausau ke kaku ki lona gatoaga, ei Eteleno, Ti aua na ke manatui o tuumau le agaveli ; Kae ke ke tio mai kia matou, ko matou fuli ko lou kakai.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Oseo 13:13

E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Malakia 1:6

E fakaapaapa se vosa ki lona tamana, ti mo se tagata fakasausau ki lona pule. Kapau e kau tamana, kofea le fakaapaapa leia e tonu ke fai mai kiate au ? Kapau e kau pule, kofea le i leia e tonu ke maua kiate au ? E pati le Eteleno o kau tau kia koutou, kau faisakilifisio, Ala e fakanoai ia loku suafa, Ti e pati : Kolea le nea leia na motou fakanoai ai lou suafa ?

Soane 8:41

Kae ko koutou, e kotou fai a gaoi o lokoutou tamana. Na lotou pati loa kiate ia : E leaise ko ni toe taka matou ; e motou maua se tamana e tasi, ko le Atua.

Gaoi 20:28

Koia kotou tokaga ai kia koutou totonu, ti mo le kau ovi katoa leia kua fakanofo koutou ki ai e le Laumalie Maokioki ko epikopo, ke fagai ia le Ekelesia o le Atua, leia kua totogi e ia ki lona toto totonu.

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Uluaki tosi ki le kau Kolinto 6:20

Talie kua totogi koutou ki se totogi lasi ai. Koia ke kotou fakakololia le Atua i lokoutou tino mo lokoutou laumalie, ala e maua e le Atua.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Tetelonome 1:31

ti mo le toafa, leia na ke tio ai ki le aga a le Eteleno, lou Atua, o amo a koe ofaipe se tagata leia e amo ia lona vosa, i le ala katoa leia na kotou fai o kaku mai ki le ganea leinei.

Tetelonome 14:1

Ko fanau koutou a le Eteleno, lokoutou Atua. Ke aua na kotou fai loa ni tatau ki okoutou tino, ti ke aua na kotou tele loa okoutou tumuaki, o tupu ko se mate.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:18

Io, Iselaele, na ke tiaki loa le Utu leia na fakatupu ia a koe, Ti na ke galoi loa le Atua leia na fanaui ia a koe.

Tetelonome 32:28

Talie ko Iselaele ko se puleaga leia e sese o tupu ko lona loto, E leaise maua ia latou se atamai.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.