Tetelonome 32:47 - Tosi Tapu

⁴⁷ Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Tetelonome 32:47 ပူးပေါင်းရင်းမြစ်များ

Taagapati 3:18

Ko se laakau a ia o le mauli kia latou ala e too ia a ia, Ti e manuia latou ala e kukumi mau ia a ia.

Taagapati 3:22

E la liliu loa ko le mauli o lou laumalie, Ti mo le kasoa teuteu o lou ua.

Taagapati 4:13

Taofi ke mau le akonaki, aua na ke tuku a ia ; Kukumi mau a ia, talie ko lou mauli a ia.

Taagapati 4:22

Talie ko le mauli a ia kia latou ala e maua ia latou, Ko le malolo a ia ki lolatou tino katoa.

Esaia 45:19

Na leaise kau masau fakafufu I se ganea fakapouli o le kele ; Na leaise kau pati ki le sakoga o Sakopo : Kotou afa au i se ganea leia e leaise kau nofo ai ! Ko au, le Eteleno, e kau fakasa le maoki, E kau fakasa le nea leia e totonu.

Levitiko 18:5

Kotou tausi loa aku lao mo aku fakatotonu : ko le tagata leia e fai ia loa latou e mauli loa ia latou. Ko au ko le Eteleno.

Amosi 5:4

Talie e folafola le Eteleno ki le fale o Iselaele, o pati : Kotou afa au ! ti e kotou mauli loa !

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Gaoi 7:38

Ko ia leia, i le fakatasi i le toafa, na nofo mo le aselo leia na masau kiate ia i le mauga o Sinai ti mo otatou tamana, na tali ia a folafola mauli, ke tuku mai kia koutou.

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 31:13

Ti ko olatou vosa ala e leaise iloa ia loa a ia, e logo loa ki ai, ti e lotou iloa loa le fakaapaapa ki le Eteleno, lokoutou Atua, i le temi katoa leia e kotou mauli ai loa i le fenua leia e kotou too loa, mo ka kotou fakalaka loa i le Solotane.

Tetelonome 33:25

Ke ukamea mo kapa ou loka, Ti ke tologa lou makeke ofaipe le tologa o lou mauli !

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 4:6

Kotou tausi loa latou ti kotou fai loa latou ; talie ko lokoutou poto mo lokoutou atamai loa a ia ki mata o atu puleaga, ala e logo loa ki le masaui o lao fuli ana ti e lotou pati loa : ko le puleaga lasi leinei, mo poto ai, mo atamai ai !

Tetelonome 8:3

Na fakamamae e ia a koe, na fakapakupaku e ia a koe, na fagai e ia a koe ki le mane, leia na leaise ke iloa, ti na leaise iloa e ou tamana, ke ako kiate koe e leaise mauli fua le tagata ki le pane, kae e mauli a ia ki nea fuli ala e ulu mei le gutu o le Eteleno.

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Lua tosi a Petelo 1:16

Talie na leaise motou fakasa atu kia koutou le mafimafi mo le toe liliu mai o lotatou Aliki ko Sesu-Kilisito, o mulimuli ki ni talatuku ala na motou fau fakapoto, kae o tupu kua motou tio maoki ki lona kololia ki omatou mata totonu.

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Apokalipisi 22:14

Manuia latou ala e fo ia olatou kofu, o tupu ke lotou kau ki le laakau o le mauli, ti ke lotou ulu i matapa o le kolo !