Tetelonome 32:43 - Tosi Tapu

⁴³ Atu puleaga, ke kotou sua a fakavikiviki o lona kakai ! Talie e taui e le Eteleno le toto o ana tagata fakasausau, E tautea e ia ona fili, Ti e fai e ia le fakamolemole o agasala ki lona fenua, mo lona kakai.

Tetelonome 32:43 ပူးပေါင်းရင်းမြစ်များ

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Lua tosi o Sau 9:7

E ke tamate loa le fale o Akapo, lou pule, ti e kau totogi loa kia Sesapele le toto o aku tagata fakasausau, le kau polofeta, ti mo le toto o tagata fakasausau fuli a le Eteleno.

Sopo 13:24

Kolea leia e ke fufu ai ou mata, Ti e ke too ai au ko lou fili ?

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 58:10

I mua o le sauga o le afi na tafu ki se laakau talatala i akoutou kulo, Pe mata pe ulaula, e ave loa a ia e le asesio.

Pesalemo 65:3

Ei koe, leia e fakalogo ki kole ! E au loa tagata fuli kiate koe,

Pesalemo 79:10

Kolea e pati ai loa a atu puleaga : Kofea lolatou Atua ? Ke iloa i lamatou nofo i lotolotoga o atu puleaga, E ke totogi le toto o au tagata fakasausau, le toto leia na liligi !

Pesalemo 79:9

Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Pesalemo 85:1

Ki le pule o le kau sua. O vosa o Kole. Pesalemo.

Pesalemo 85:3

Kua ke fakamolemole ki le agaveli a lou kakai, Ti kua ke uufi alatou agasala fuli ; - Manava.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 1:25

Ti e kau teki loa loku lima kiate koe, E kau tutu loa ke puli le sikoli leia e piki iate koe, ofaipe le gaoi a le potase, Ti e kau too loa a ga penui pulu fuli iate koe.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 19:23

I le temi foki lena, e i ai loa se ala mei Esipito ki Asilia : E ano loa le kau Asilia ki Esipito, ti mo le kau Esipito ki Asilia ; Ti e tausi loa le kau Esipito mo le kau Asilia ki le Eteleno.

Esaia 19:25

E tapuaki loa le Eteleno o kau tau kia latou, o pati : Ke manuia Esipito, loku kakai, Ti mo Asilia, le gaoiaga o oku lima, Ti mo Iselaele, loku tofiga !

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 60:6

E ke apele loa i kamelo, I kamelo o Matiane mo Efa ; E lotou au fuli loa mei Sapa ; E lotou fetuku mai loa le aulo mo le iseso, Ti e lotou fakasa loa a fakavikiviki o le Eteleno.

Esaia 66:10

Kotou fiafia mo Selusalemi, Kotou fai kiate ia le tupuaga o lolatou nekenekea, Koutou fuli ala e alofa kiate ia ; Kotou soposopo mo ia i le fiafia, Koutou fuli ala e mamae o tupu ko ia ;

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Selemia 51:36

Koia e folafola ai le Eteleno, o pati : Ko leinei, e kau puipui loa a koe, E kau totogi loa le veli leia na fai kiate koe ! E kau fakamalo loa le tai o Papilone, Ti e kau fakamasa loa lona matapuna vai.

Tagi laulau a Selemia 2:5

Na fai le Aliki pe se fili ; Na folo e ia Iselaele, na folo e ia ona fale fakaalialiki fuli, Na maumaui e ia ona kolo tau ; Na fakaapele e ia le taine o Suta ki lauga mo tagi.

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Esekiele 25:14

E kau liligi loa loku sausau ki Etome I le lima o loku kakai ko Iselaele ; E fai loa e ia ki Etome o mulimuli ki loku sausau mo loku mafaia ; Ti e lotou iloa loa loku sausau, E pati le Aliki, le Eteleno.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Apokalipisi 15:2

Ti na kau tio loa ofaipe se tai tiloata, kua filo mo le afi ; ti na tuu loa i aluga o le tai tiloata lena latou ala na malo i le manu fekai, mo lona fakatata, ti mo le numelo o lona igoa, ti na lotou too ia ni alepe o le Atua.

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 18:2

Ti na kalaga leo lasi loa a ia, o pati : Kua vilo Papilone lasi, kua vilo a ia ! Kua liliu a ia ko se nofoaga o temonio, ko se tanakiaga o laumalie kelekele fuli, ko se tanakiaga o manu lele fuli e kelekele mo fakalialia,

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Apokalipisi 6:10

Ti na lotou kalaga leo lasi loa, o pati : E kaku loa kiafea, Pule maokioki mo maoki, lau talitali ke fakamaaui mo totogi lomatou toto ki le kakai o le malama nei ?