Tetelonome 32:39 - Tosi Tapu

³⁹ Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 32:39 ပူးပေါင်းရင်းမြစ်များ

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Lua tosi o Sau 5:7

I le oki o lana lau le tosi, na sae loa e le sau o Iselaele ona kofu, o pati : Pe ko le Atua au, ke kau fakamate ia pe ke kau fakamauli ia, ke tupu ai lana pati mai kiate au ke kau fakamauli se tagata mei lona kilia ? Ke kotou iloa ti ke kotou matala e afa e ia se nea ke tupu ai se tokaveli ia maua.

Neemia 9:6

Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Sopo 10:13

Kae ko leinei le nea leia na ke fufu i lou loto, Ko leinei e kau iloa le nea leia na ke fakapapau i lou loto.

Sopo 10:7

Kae e ke iloa malie e leaise kau lakasala, Ti e leaise tasi e mafai ke saofaki ia au mei lou lima ?

Sopo 5:18

E fai e ia le mamae, kae toe fakamauli foki e ia ; E fai e ia le lavea, kae toe faitoo a ia e lona lima.

Pesalemo 102:27

E la pupuli loa, kae e ke agai aifuai ; E la popo loa ofaipe se kofu ; E ke fetogi loa laua ofaipe se taupulupulu, ti e fetogi loa laua.

Pesalemo 102:28

Kae ko koe, e ke tatau aifuai, Ti e leaise toe gato loa ou fetuu.

Pesalemo 18:31

E malie tukupau a ala o le Atua, Kua asiasii le folafola a le Eteleno. Ko se paletau a ia kia latou fuli e fanaki kiate ia.

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Pesalemo 51:8

Kae e ke loto ke nofo le maoki i le takele o le loto : Koia ke ke fakaulu le poto ki loku loto !

Pesalemo 68:20

Ke fakafetai ki le Aliki i aso taki tasi ! Ka teki ni kavega mamafa kia matou, e fakamauli matou e le Atua. - Manava.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 4:7

Na pati loa le Eteleno : Toe teki lou lima ki lou fatafata. Ti na toe teki loa e ia lona lima ki lona fatafata ; ti na too ake loa e ia lona lima mei lona fatafata, ti ko leinei, kua toe liliu a ia o tatau mo lona kanofi.

Ekelesiasi 3:3

se temi ke tamate ai, ti mo se temi ke fakamauli ai ; se temi ke soloi ai, ti mo se temi ke laga ai ;

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 41:4

Ko ai na fai ia ti na fakasoko ia a nea ana ? Ko leia na kalagai ia a tautupu mei le kamataaga, Ko au, le Eteleno, le uluaki Leia e tatau o kaku ki sekulo fakamuli.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 43:12

Ko au leia na fakasa ia, na fakamauli ia, na fakasa fakatomua ia, E leaise ko se atua kese ia koutou ; Ko koutou ko aku tagata fakamaoki, e pati le Eteleno, Ko au leia e Atua.

Esaia 43:13

E kau Atua talu le kamataaga, Ti e leaise tasi e saofaki ia mei loku lima ; E kau gaoi loa : ko ai e taofi ia loa au ?

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esaia 46:4

E kau tatau loa kia koutou o kaku ki lokoutou matutua ; E kau tokoi loa kia koutou o kaku ki lokoutou matutua. Io, na kau fai a ia, ti e kau loto foki ke toe luluku koutou, Ke toe tokoi kia koutou, ti ke toe fakamauli koutou.

Esaia 48:12

Sakopo, fakalogo mai kiate au ! Ti mo koe, Iselaele, leia na kau kalagai ! Ko au, io, ko au leia ko le uluaki, Ko au foki leia ko le fakamuli.

Esekiele 37:12

Kikite, o pati kia latou : E folafola le Aliki, le Eteleno, o pati : Ko leinei, ei loku kakai, e kau fakamavaa loa okoutou tanuma, ti e kau fakaulu loa koutou ki fafo i okoutou tanuma, ti e kau toe aumai loa koutou ki le fenua o Iselaele.

Esekiele 37:3

Na pati mai loa a ia kiate au : Vosa o le tagata, pe feala loa ke toe mauli a ivi ana ? Na kau tali loa : Aliki Eteleno, e ke iloa le nea lena.

Oseo 5:14

E kau fai loa pe se laione kia Efalaimi, Pe se uviki laione ki le fale o Suta ; Ko au, io ko au, e kau saei loa, ti e kau ano loa ; E kau fetuku loa, ti e leaise too loa e se tasi laku nea kai.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Tetelonome 32:12

Io, na taki e le Eteleno toka tasi lona kakai, Ti na leaise nofo se atua kese mo ia.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Epelo 1:12

E ke takatakai loa latou ofaipe se taupulupulu, ti e lotou fetogi loa ; Kae ko koe, e ke tatau ai fuai, Ti e leaise toe gato loa ou fetuu.

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.

Apokalipisi 2:8

Tosi ki le aselo o le Ekelesia o Similene : Ko leinei le nea leia e pati ki ai le uluaki ti mo le fakamulimuli, leia na mate, kae kua toe liliu mai ki le mauli :

Uluaki tosi a Samuele 2:6

E fakamate ti e fakamauli e le Eteleno, E fakaifo e ia ki le nofoaga o le kau mate, ti e toe fakapale ake e ia mei ai.