Tetelonome 32:29 - Tosi Tapu

²⁹ Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Tetelonome 32:29 ပူးပေါင်းရင်းမြစ်များ

Pesalemo 107:15

Ke lotou fakafetai ki le Eteleno i lona agamalie Ti mo ana nea malilie ki vosa o le tagata !

Pesalemo 107:43

Ke tokaga leia e poto ki nea ana, Ti ke matala a ia ki agamalie o le Eteleno.

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Pesalemo 90:12

Ako matou ke motou iloa le lau omatou aso, O tupu ke motou maua se loto leia e poto.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 42:23

Ko ai ia koutou e tokaga loa ki nea ana ? Ko ai e fia tokaga loa ki nea ana ti e fakalogo loa ki ai i le temi ki muli ?

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Selemia 17:11

Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Akeseo 2:18

Kotou fakakaukau malie Ki le nea leia kua soko o kaku mai ki le aso nei, O kaku mai ki le aso kau lua tupu fa o le masina iva, Talu mei le aso leia na fakavae ai le fale o le Eteleno, Kotou fakakaukau malie ki ai !

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Tetelonome 31:29

Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !