Tetelonome 32:27 - Tosi Tapu

²⁷ Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Tetelonome 32:27 ပူးပေါင်းရင်းမြစ်များ

Uluaki tosi o Sau 20:28

Na fakafeofi ake loa le tagata a le Atua, o pati ki le sau o Iselaele : Ko leinei le folafola a le Eteleno : Talie kua pati le kau Silia : Ko le Eteleno ko se atua o mauga kae e leaise ko se atua o potu laumalie, e kau tuku loa le kakai toka api lena ki ou lima, ti e kotou iloa loa ko au ko le Eteleno.

Pesalemo 140:8

Eteleno, Aliki, ko le makeke a koe o loku fakamauli ! E ke malui loku ulu i le aso o le tau.

Pesalemo 140:9

Eteleno, aua na ke fakasoko a oli a le tagata agaveli ; Aua na ke tuku ke fai ana fakatuutuu, Ke aua na fakakololia a ia ! - Manava.

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Esaia 37:10

E kotou masau feneeki loa kia Esekiasi, sau o Suta : Ko lou Atua, leia e ke fanaki ki ai, ke aua na kakaai e ia a koe, o pati : E leaise tuku loa Selusalemi ki lima o le sau o Asilia.

Esaia 37:35

E kau puipui loa le kolo leinei ke fakamauli a ia, O tupu ko au, o tupu ko Tavite, laku tagata fakasausau.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Esaia 48:11

O tupu ko le alofa kiate au, o tupu ko le alofa kiate au, leia na kau fai ai le nea lena ; Talie kolea e fakakelekele ai loa loku suafa ? E leaise kau soli loa loku kololia ki se tasi kese.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Taniela 4:27

Koia, ei sau, fakalotomalie o tali laku tokoi leinei ! Fakagato au agasala, ti ke fai le nea leia e totonu, ti ke fakagato au agaveli, kae ke ke manava alofa ki le kau mativa, ti e feala loa ke tologa lou manuia.

Numelo 15:30

Kae kapau e fai loa e se tagata Iselaele pe ko se tagata matapule se agasala i lona loto faitalisa, e nukinuki loa a ia ki le Eteleno, ti e tuuti loa a ia mei loto malie o lona kakai.

Tetelonome 9:28

E leaise tonu ke pati loa le kakai o le fenua leia na ke fakamavae matou mei ai : E tupu kua leaise mafai e le Eteleno le fakaulu o le kakai lena ki le fenua leia na fakapapau e ia ke soli kia latou, ti e tupu na vesia le Eteleno kia latou, o fakamavae e ia latou ke maumaui latou i le toafa.

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.