Tetelonome 32:25 - Tosi Tapu

²⁵ I fafo e tamate loa e le seleta olatou fanau, I fale e lotou mamate loa i ni malaia veli : Talie e maua loa e le mate a tagata fuli : Mei le tama tupulaga ki le taine tupulaga, Mei le toe memea ki le matua ulu sina.

Tetelonome 32:25 ပူးပေါင်းရင်းမြစ်များ

Lua tosi o Sau 7:5

Na lotou ano loa i le afiafi ki le nofolaga tau o le kau Silia ; I le temi na lotou kaku ai loa ki le uluaga o le nofoaga o le kau Silia, ko leinei, na leaise se fa toka tasi i ai.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Selemia 44:7

I le aso nei, e folafola le Eteleno, le Atua o kau tau, le Atua o Iselaele : Kolea e kotou fai ai kia koutou totonu se veli lasi felaaki, ke tuuti ai mei loto malie o Suta a tagata, mo fafine, mo fanau, mo toe memea, ke aua na toe maua loa se ga toetoega o koutou ?

Selemia 44:8

Kolea e kotou fakatupu ai loku sausau ki gaoiaga o okoutou lima, o kotou momoli le iseso ki ni iki ake atua kese i le fenua o Esipito, leia kua kotou ano o nonofo i ai, ke tupu ai lokoutou mamate ti ke kotou liliu ai ko se nea fakatupu lauveli mo fakalumaluma i puleaga fuli o le kele ?

Selemia 9:21

Talie kua ulu le mate i omatou katupa, Kua ulu a ia ki omatou fale sau ; Kua tamate e ia a toe liliki i le ala, Mo tupulaga i lapalasi fakafenua.

Tagi laulau a Selemia 1:20

Eteleno, tio mai ki loku mamae ! kua pula oku tootooga, Kua mafuli loku mafu iate au, Talie na kau agatuu lasi kiate koe. I fafo e fai e le seleta ana maumau, i loto ko le mate.

Tagi laulau a Selemia 4:4

Kua pipiki le alelo o le toe memea i lona gutu, Kua malo a ia i le fia inu ; E kole e toe se pane, Kae e leaise soli e se tasi se pane kia latou.

Esekiele 7:15

Ko le seleta i fafo, ko le taumasaki mo le oge i loto ! Ko leia e nofo i le faisaga e mate loa i le seleta, Ko leia e nofo i le kolo e mate loa i le oge mo le taumasaki.

Oseo 11:6

E oso loa le seleta ki olatou kolo, E tamate loa a ia, e kai e ia olatou fanakiaga, O tupu ko fakatuutuu ala na lotou fai.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Oseo 9:16

Kua taai Efalaimi, kua malo lona aka ; E leaise lotou toe maua loa ni fua ; Ti kapau e lotou maua ni fanau, E kau fakamate latou ala na lotou alofa mamae ki ai.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Mikea 6:14

E ke kai loa kae e leaise ke makona loa, Ti e nofo loa le fia kai iate koe ; E ke tanaki loa kae e leaise ke saofaki loa, Ti ko le nea leia e ke saofaki loa, E kau tuku loa a ia ki le seleta.

Lua tosi ki le kau Kolinto 7:5

Talie, talu loma kaku mai ki Masetonia nei, na leaise maua fua e oma tino se malolo ; na ma tali a mamae kesekese : tau i tafa, tuania i loto.