Tetelonome 32:24 - Tosi Tapu

²⁴ E lotou fakalaulautetea loa i le oge, Ti e kai loa latou e le fiva mo tau masaki veli. Ti e kau kakau mai loa kia latou a manu fekai, mo gata uti kona.

Tetelonome 32:24 ပူးပေါင်းရင်းမြစ်များ

Senesi 3:14

Na pati loa le Eteleno Atua ki le gata : Talie na ke fai le nea lena, e ke malaia loa o lasi ake i manu lalasi mo manu liliki fuli o le vao, e ke totolo loa i lou manava, ti e ke kai loa le efu i aso fuli o lou mauli.

Senesi 49:15

E tio a ia e malie le ganea leia na malolo ai, Ti e malie le fenua ki le nofo. Koia na tali ai loa e ia ke teki se amoga ki lona tuauma, Ti mo le totogi o se tukusau.

Sopo 20:16

Na mimiti e ia le kona o le gata uti kona, Ti e tamate loa a ia e le alelo o le gata uti kona.

Pesalemo 120:4

Ko gasau matakakai a le tagata tau, Mo malala kaka o le sene.

Pesalemo 91:6

Pe ki le masaki veli leia e totolo i le pouli, Pe ki le vevela leia e to i le lalatea.

Esaia 65:25

E kai fakatasi loa le lupo mo le akeno, E kai loa e le laione le mutie ofaipe le pipi tagata, Kae ko le nea kai a le gata ko le efu. E leaise toe fai loa se veli pe ko se maumau I loku mauga maokioki katoa, E pati le Eteleno.

Selemia 14:18

Kapau e kau ano ki faisaga, ko leinei ni tagata na tamate e le seleta ; Kapau e kau ulu ki le kolo, ko leinei ni kakai na mate i le oge ! E ano le polofeta mo le tagata faisakilifisio i le fenua katoa, Kae e leaise lotou iloa pe ano kifea.

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 8:17

Talie e kau kakau kia koutou ni gata, mo ni gata kona, Ala e leaise feala ke fai ki ai ni nea fakatemonio ; E lotou uuti loa koutou, e pati le Eteleno.

Tagi laulau a Selemia 5:10

Kua vevela omatou kili ofaipe se gutuumu, I le makeke o le fia kai.

Esekiele 14:15

Kapau na kau tuku loa ke taka ni manu fekai i le fenua, o maumaui a ia, ti kapau na liliu loa a ia ko se toafa leia na leaise toe ano ai loa se tagata o tupu ko manu fekai ana,

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 5:17

E kau kakau loa kia koutou le oge mo manu fekai, ala e tamate ia loa akoutou fanau ; e ano loa le masaki mo le toto i loto malie o ou ; ti e kau kakau mai loa kiate koe le seleta. Ko au, le Eteleno, leia e folafola.

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Amosi 9:3

Kapau e lotou mumuni i le tumutumu o le Kalemelo, E kau afa loa latou i ai ti e kau tapo loa latou. Kapau e fufu latou i oku mata i le takele o le tai, E kau fakatotonu loa ki le gata ke uuti ia latou i ai.

Mikea 7:17

E lotou epo loa le efu, ofaipe le gata, Ofaipe manu totolo o le kele ; E maua loa latou e le i, i tafa olatou kolo tau ; E lotou lulu loa i mua o le Eteleno, lotatou Atua ; E lotou i loa kiate koe.

Apakuki 3:5

I ona mua e saele ai le taumasaki, Ti e muli iate ia le taumasaki.

Tetelonome 28:22

E tautea loa a koe e le Eteleno ki le fakalaulautetea, mo le fiva, mo le fufula, mo le vela, mo le masunu, mo le popo, ala e muli loa iate koe o kaku ki lou mate.

Tetelonome 28:48

e ke liliu loa o tausi ki ou fili ala e kakau mai loa e le Eteleno kiate koe : E ke pakupaku loa, mo fia inu loa, mo telefua loa, mo fakaaloalofa loa i nea fuli. E teki loa e le Eteleno se ukamea ki ou tuauma o kaku ki lou maumaui.

Tetelonome 28:53

I loto malie o le i mo le fakaaloalofa leia e tuku loa e lou fili kiate koe, e ke kai loa a fua o lou manava, le tino o lou vosa mo lou taine, ala e soli atu loa kiate koe e le Eteleno, lou Atua.