Tetelonome 32:21 - Tosi Tapu

²¹ Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tetelonome 32:21 ပူးပေါင်းရင်းမြစ်များ

Uluaki tosi o Sau 14:22

Na fai loa e Suta le nea leia e veli ki mata o le Eteleno ; ti na lotou fakatupu loa le finenonofo o le Eteleno ki agasala ala na lotou fai loa, o lasi ake i olatou tamana.

Uluaki tosi o Sau 14:9

Kua lasi ake le veli leia kua ke fai ia latou ala na muamua iate koe, kua ke ano o fai kiate koe ni iki ake atua mo ni fakatata ki le ukamea na saka, ke fakatupu ai loku ita, ti kua ke tiaki au ki lou tua !

Uluaki tosi o Sau 16:13

o tupu ko agasala fuli ala na fai e Paesa mo Ela, lona vosa, ti na la fakaagasalai ai Iselaele, o fakatupu ai le sausau o le Eteleno, le Atua o Iselaele, ki olatou taulaatua.

Uluaki tosi o Sau 16:26

Na saele loa a ia i le ala katoa o Selopoamo, vosa o Nepate, ti na mauli a ia i agasala ala na fai e Selopoamo o fakaagasalai ai Iselaele, mo fakatupu ai le sausau o le Eteleno, Atua o Iselaele, ki olatou taulaatua.

Lua tosi o Sau 17:11

Na lotou tutu loa i ganea ana ni nea fakamanogi, o tatau mo puleaga ala na kapu e le Eteleno i olatou mua, ti na lotou fai loa ni nea veveli, ke lotou fakatupu ai le ita o le Eteleno.

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Lua tosi o Sau 21:6

Na momoli loa e ia lona vosa i le afi ; na sivi loa e ia a ao mo gata ke iloa ai a nea ka soko, ti na fakanofo loa e ia ni kakai ala e masau ki laumalie o kau mate ti e kikite ia a nea ala ka soko. Na asilisili fai loa e ia le nea leia e veli ki mata o le Eteleno, ke fakatupu ai lona ita.

Lua tosi o Sau 22:17

Talie na lotou tiaki au ti na lotou momoli ni nea fakamanogi ki ni taulaatua, o tupu ke kau itaita ai ki gaoiaga fuli o olatou lima, e vilo loa loku itaita ki le ganea leinei, ti e leaise toe taofi loa a ia.

Pesalemo 31:6

E kau tuku loku laumalie ki ou lima ; E ke saofaki loa au, Eteleno, Atua o le maoki !

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Esaia 65:3

Ki se kakai leia e leaise gato lana fakatupu loku ita, Leia e momoli ia ni failaulau i oloto, Ti e tutu ia le iseso i aluga o piliki ;

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Selemia 7:18

E tae e fanau se fafie, E tafu e tamana le afi, Ti e lusi e fafine le falina, Ke teuteu ai ni kato ki le fafine sau o le lagi, Ti ke fai ai ni sakilifisio nea inu ki ni atua kese, Ke fakatupu ai loku sausau.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 8:3

Na falo loa e ia se nea pe se lima, ti na too loa e ia au i loku lau ulu. Na siki loa au e le Laumalie ki le vasa o le malama nei mo le lagi, ti na ave loa e ia au i ni tio ki Selusalemi, ki le fetuu loto o le matapa, leia e aga ki le noleto, leia na tuu ai le taulaatua o le finenonofo, leia e fakatupu ia le finenonofo o le Eteleno.

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Gaoi 11:15

Koi kamata laku masau, kae kua ifo loa le Laumalie Maokioki kia latou ofaipe lana ifo kia tatou i le kamataaga.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Loma 10:19

Kae e kau pati : Pe na leaise iloa e Iselaele le nea lena ? Na fuafuaki pati Moisese : E kau fakaliliu loa koutou ke finenonofo ki le nea leia e leaise ko se puleaga ; E kau fakaliliu loa koutou ke itaita ki se puleaga sala atamai.

Loma 9:25

ofaipe lona fakasa i le Tosi a Oseo : E kau fakaigoa loa ko loku kakai leia na leaise ko loku kakai, ti ko loku alofaaga le fafine leia na leaise ko se alofaaga ;

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 32:17

Na lotou momoli loa ni sakilifisio ki ni temonio ala e leaise Atua, Ki ni atua ala e leaise lotou iloa, Ki ni atua foou ala na leaise iloa e olatou tamana.

Uluaki tosi a Samuele 12:21

Aua na kotou maliu kese loa meiate ia ; talie na kotou muli loa i ni nea noa, ala e leaise aoga, ti e leaise saofaki ia, talie ko nea noa.