Tetelonome 31:7 - Tosi Tapu

⁷ Na kalagai loa e Moisese a Sosue, o pati kiate ia i mua o Iselaele katoa : Ke ke fakamakeke ti ke ke loto makeke, talie e ke ulu loa mo le kakai leinei ki le fenua leia na fakapapau e le Eteleno ki olatou tamana ke tuku kia latou, ti ko koe leia e tufa ia loa kia latou olatou tofiga.

Tetelonome 31:7 ပူးပေါင်းရင်းမြစ်များ

Lua tosi a Samuele 10:12

Ke ke loto toa, ti ke ta fia tagata, o tupu ko lotatou kakai mo kolo o lotatou Atua, ti ke fai loa e le Eteleno le nea leia e malie kiate ia !

Uluaki tosi o Sau 2:2

Ka kau ano loa i le ala o le malama nei katoa. Koia ke ke fakamakeke ai a koe, ti ke ke gali ko se tagata !

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Taniela 10:19

Ti na pati mai loa a ia kiate au : Aua na ke i, tagata alofaina, ke iate koe le tokamalie ! Loto makeke ! Loto makeke ! I le lolotoga o lana masau mai kiate au, na kau toe maua loa loku makeke, ti na kau pati loa : Ke masau loku Aliki, talie kua ke fakamakeke au.

Numelo 13:20

Pe feaki le kele, pe malie pe veli, pe mauli ai ni laakau pe leai. Kotou loto toa. Kotou too loa ni fua o le fenua o aumai. Ko le temi lena o uluaki fua o le vite.

Numelo 27:19

E ke fakatuu loa a ia ki mua o le tagata faisakilifisio ko Eleasale mo le kakai katoa, ti ke fakanofo loa a ia ko lou fetogi i olatou mua.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 1:38

Kae ko Sosue, vosa o Nune, leia e fakasausau kiate koe, e ulu loa ki le fenua. Fakamakekei a ia, talie ko ia leia e fakaulu ia loa Iselaele ki le fenua leia ko lona tofiga.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 11:8

Koia, ke kotou fai loa a folafola fuli ala e kau tuku atu kia koutou i le aso nei, o tupu ke kotou maua le makeke leia e aoga ki le too o le fenua leia e kotou ulu loa ki ai,

Tetelonome 3:28

Tuku au fakatotonu kia Sosue, ti ke tokoi kiate ia, ti ke fakamakeke lona loto ; talie ko ia leia e fakalaka loa i mua o le kakai lena i le Solotane, ti ko ia leia e tuku ia loa ki fanau a Iselaele le fenua lena kua ke tio ki ai mei mamao.

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Tetelonome 31:3

E saele loa le Eteleno, lou Atua, i ou mua, ti e maumaui loa e ia a puleaga ana i ou mua, ti e ke too loa lolatou fenua meia latou. E fakalaka loa Sosue i ou mua, o mulimuli ki le pati a le Eteleno.

Tetelonome 31:6

Ke kotou fakamakeke ti ke kotou loto makeke ! Ke aua na kotou i ti ke aua na kotou lulu i olatou mua, talie e saele loa le Eteleno, lou Atua, mo koe ; e leaise mavae loa a ia meiate koe, e leaise tiaki loa e ia a koe.

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.