Tetelonome 31:29 - Tosi Tapu

²⁹ Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.

Tetelonome 31:29 ပူးပေါင်းရင်းမြစ်များ

Senesi 49:1

Na kalagai loa e Sakopo ona vosa, o pati : Kotou fakatasi mai. Ti e kau fakasa loa kia koutou le nea leia ka soko loa kia koutou i temi ki muli.

Senesi 6:11

Na fakalialia le malama nei i mua o le Atua, ti na apele le malama nei i le agamakeke.

Lua tosi o Koloniko 34:24

Ko leinei le folafola a le Eteleno : Ka kau fakavilo ia loa ni malaia ki le ganea leinei mo lona kakai, a malaia fuli ala e tuu i le tosi leia na lau i mua o le sau o Suta.

Sopo 19:25

Kae e kau iloa e mauli loku fakamauli, Ti e tuu fakamuli ake loa a ia i le malama nei.

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Taniela 10:14

E kau au i le lakaga nei o fakasa kiate koe le nea leia e tonu ke soko ki lou kakai i le temi ki muli ; talie ko le nea leia e ke tio ki ai e toe uiga foki mo le temi lena.

Oseo 9:9

Kua lotou uku i le agasala ofaipe aso o Kipea. E manatui loa e le Eteleno alatou agaveli, E tautea loa e ia alatou agasala.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Gaoi 20:30

ti e mafuta loa i lotomalie o koutou, ni tagata ala e ako ia loa ni nea salasala, ke toso ai a tisipulo i olatou muli.

Tetelonome 31:30

Na lau loa e Moisese a kupu fuli o le katiko leinei ki le fakatasi katoa o fanau a Iselaele.

Tetelonome 32:20

Koia na pati ai loa e ia : E kau fufu loa oku mata kia latou, Ti e kau tio loa pe kolea le nea leia ka soko loa kia latou ; Talie ko se tautupu agatuu, Ko ni vosa ala e leaise feala ke fanaki ki ai.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Tetelonome 32:5

Kapau kua kotou agasala, e leaise tuku loa kiate ia le sala ; Ko le luma ki ana fanau, Lanu kaka mo aga fakalialia.

Tetelonome 4:16

ke aua na kotou vilo ki le agasala, o kotou fai loa se taulaatua o fakatata ki se tagata pe ki se fafine,

Tetelonome 4:30

I le mamae, mo ka soko loa a nea fuli ana kiate koe, e soko loa i se temi ki muli, e ke toe liliu loa ki le Eteleno, lou Atua, ti e ke fakalogo loa ki lona leo ;

Uluaki tosi kia Timoteo 4:1

Kae e pati maoki le Laumalie : i temi fakamuli e tiaki loa e ni iki le tui, kae lotou pipiki loa ki ni laumalie kaka ti mo ni akonaki a temonio,

Epelo 1:2

i temi fakamuli anei, kua masau le Atua kia tatou i le Alo ; ti kua fakanofo e ia a ia ke maua tofiga a nea fuli ; iate ia na fakatupu foki e ia le malama nei.

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Tuifakamaau 2:19

Kae i le mate o le tui fakamaau, na lotou toe liliu loa o veli ake i olatou tamana. Na lotou toe pipiki loa ki ni atua kese, o tausi loa kia latou ti mo atolasio loa kia latou. Na leaise lotou tiaki loa alatou aga fakalialia mo alatou agatuu.