Tetelonome 31:19 - Tosi Tapu

¹⁹ I le aso nei, ke ke tosi le katiko leinei. Ke ke ako a ia ki fanau a Iselaele, ke ke tuku a ia ki olatou gutu, ti ke liliu le katiko lena ko se fakamaoki kiate au i mua o fanau a Iselaele.

Tetelonome 31:19 ပူးပေါင်းရင်းမြစ်များ

Lua tosi a Samuele 14:3

E ke ano fenaaki loa ki le sau, ti e ke masau feneeki loa kiate ia. Ti na tuku loa e Soape ki lona gutu a masau ala ke fai loa e ia.

Pesalemo 102:18

E tokaga a ia ki le kole a le tagata e mamae, E leaise tiaki e ia lana kole.

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Selemia 1:9

Ti na falo loa e le Eteleno lona lima o fafa ki loku gutu ; ti na pati mai loa le Eteleno kiate au : Ko leinei, e kau tuku aku folafola ki lou gutu.

Esekiele 2:5

Logo ai pe lotou fakalogo, pe leaise lotou fakalogo, talie ko se famili fakatutuu latou, e lotou iloa loa e i ai se polofeta i lotolotoga o latou.

Mateo 10:18

e taki loa koutou, o tupu ko au, ki mua o ni kovana, ti mo ni sau, ke kotou liliu ko ni fakamaoki kia latou ti mo le kau pagani.

Soane 12:48

Ko leia e tiaki ia au ti e leaise tali ia aku folafola e maua e ia lona tui fakamaau ; ko le folafola leia na kau fakasa, ko ia leia e fakamaaui ia loa a ia i le aso fakamuli.

Tetelonome 11:19

Ke kotou ako loa latou ki akoutou fanau, ti ke kotou masaui loa latou mo ka ke nofo loa i lou fale, mo ka ke moe loa ti mo ka ke ala ake loa i lau moe.

Tetelonome 31:18

Kae ko au, e kau fufu loa oku mata i le aso lena, o tupu ko le veli katoa leia na fai e ia, o ano ki ni atua kese.

Tetelonome 31:26

Ke kotou too le tosi leinei o le lao, ti ke kotou tuku a ia ki tafa o le aleka o le sai o le Eteleno, lokoutou Atua ; e tuku loa a ia i ai ofaipe se fakamaoki kiate koe.

Tetelonome 31:30

Na lau loa e Moisese a kupu fuli o le katiko leinei ki le fakatasi katoa o fanau a Iselaele.

Tetelonome 32:1

Atu lagi, fakalogo mai ou taliga, ti e kau masau loa. Kele, fakalogo mai ki masau o loku gutu.

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.

Sosue 24:27

Ti na pati loa Sosue ki le kakai katoa : Ko leinei : e tuu loa le fatu leinei pe se fakamaoki kia koutou, talie na logo a ia ki folafola fuli ala na fakasa e le Eteleno kia koutou. Io, e tuu loa le fatu leinei ko se fakamaoki kia koutou o tupu ke aua na kotou agatuu loa ki lokoutou Atua.