Tetelonome 31:17 - Tosi Tapu

¹⁷ I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Tetelonome 31:17 ပူးပေါင်းရင်းမြစ်များ

Uluaki tosi o Sau 8:57

Ke agai mo tatou le Eteleno, lotatou Atua, ofaipe lana nofo mo otatou tamana ; ke aua na tuku noa e ia tatou mo tiaki e ia tatou,

Lua tosi o Sau 22:13

Kotou ano o afa le finegalo o le Eteleno o uiga mo au, o uiga mo le kakai ti mo Suta katoa, o tupu ko folafola o le tosi leinei kua tou aga o maua ; talie kua lasi ai le itaita o le Eteleno kia tatou, o tupu na leaise fakalogo fua otatou tamana ki folafola o le tosi leinei, ti na leaise lotou aga fua o tausi a nea fuli ala na tosi mai i ai kia tatou.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 21:10

Na talu mei ai le agatuu a Etome ki le pule a Suta o kaku mai ki le aso nei. Na toe agatuu foki Lipena i le temi lena ki le pule a Suta, o tupu na tiaki e Suta le Eteleno, le Atua o ona tamana.

Lua tosi o Koloniko 24:20

Na ifo loa le Laumalie o le Atua kia Sakalia, vosa o le tagata faisakilifisio ko Seosata, ti na ano loa a ia ki mua o le kakai, o pati kia latou : Ko leinei le folafola a le Atua : Kolea e kotou maumaui ai a folafola a le Eteleno ? E leaise kotou manuia loa ; o tupu na kotou tiaki le Eteleno, kua tiaki loa e ia koutou.

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Sopo 13:24

Kolea leia e ke fufu ai ou mata, Ti e ke too ai au ko lou fili ?

Sopo 34:11

E liufaki e ia ki le tagata o mulimuli ki ana gaoi, Ti e totogi e ia le tagata o mulimuli ki ona ala.

Pesalemo 104:29

E ke fufu ou mata : e lotou lulu ; E ke too lalatou tukumanava : e lotou mamate, O toe liliu ki le efu leia na lotou au mei ai.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 27:9

Aua na ke fufu ou mata kiate au, Aua na ke tekei lau tagata fakasausau i lou sausau ! Ko loku tokoi a koe, aua na ke tuku au, aua na ke tiaki au, Ei Atua o loku fakamauli !

Pesalemo 30:7

Na kau pati i loku fimalie : E leaise kau siga loa i se aso !

Pesalemo 44:10

Kae ko leinei, e ke tekei matou, e ke fakaapele matou i le luma, E leaise koi ke ano o tau mo amatou kau solia.

Pesalemo 89:46

Na ke fakatoetoe a aso o lona tupulaga, Na ke kofu a ia ki le luma. - Manava.

Pesalemo 90:11

Ko ai e tokaga ki le makeke o lou ita, Ti mo lau tautea, o mulimuli ki le i leia e tonu ke maua kiate koe ?

Esaia 2:6

Talie kua ke tiaki maoki lou kakai, le fale o Sakopo, O tupu kua lotou apele i nea o le potu esite, Ti kua lotou faikikite ofaipe le kau Filisitini, Ti kua lotou avaga ki vosa o le kau matapule.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 63:17

Kolea Eteleno, e ke tuku ai matou ke eva o mamao i ou ala, Ti e fakafefeka ai omatou loto ke aua na i kiate koe ? Toe liliu mai, o tupu ko lou alofa ki au tagata fakasausau, Ki faasiga o lou tofiga !

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 23:33

Kapau e vesili atu kiate koe le kakai leinei, pe ko se polofeta, pe ko se tagata faisakilifisio : Kolea le kavega mamafa a le Eteleno ? E ke pati loa kia latou : Ko koutou ala ko se kavega mamafa, e pati le Eteleno, Koia e kau tiaki ai loa koutou.

Selemia 23:39

O tupu ko le nea lena ko leinei, e kau fakagaloi loa koutou, Ti e kau tiaki loa koutou, koutou mo le kolo leia na kau soli kia koutou mo okoutou tamana, E kau tiaki loa koutou ke mamao i oku mata.

Selemia 33:5

I le aso leia e kotou ano ai loa o tau ki le kau Kaletea, Ti e lotou apele ai loa i mate o tagata, Ti e kau tamate ai loa i loku sausau mo loku ita lasi ; Ti e kau fufu loa oku mata ki le kakai o Selusalemi, O tupu ko le lasi o lana agaveli.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Selemia 40:2

Na fakatotonu loa e le pule o tagata leo ke afa mai Selemia kiate ia, ti na pati loa a ia kiate ia : Na fakasa e le Eteleno, lou Atua, a malaia anei ki le ganea leinei.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Oseo 10:4

E lotou fai ni masau vaiga, mo ni fakapapau loi, Mo ka lotou fai se sai : Koia e somo ai loa le tautea, ofaipe se laakau kona I se faisaga kua fakamaluu.

Oseo 9:12

Kapau e lotou maua foki ni fanau, E kau too loa latou, ke aua na lotou liliu ko ni tagata ; Ti e malaia kia latou, i le aso leia e kau tiaki ai loa latou !

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Numelo 14:42

Ke aua na kotou pale ! talie e leaise nofo le Eteleno mo koutou. E tamate loa koutou e okoutou fili.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Tetelonome 30:18

e kau fakasa kia koutou i le aso nei e kotou mamate loa, ti e leaise kotou tologa loa i le fenua leia e kotou ano loa o maua tofiga, mo ka kotou fakalaka loa i le Solotane.

Tetelonome 30:19

E kau too i le aso nei ke fakamaoki kia koutou le lagi mo le kele : E kau tuku ki ou mua le mauli mo le mate, le tapuakina mo le malaia. Ke ke filifili le mauli, o tupu ke ke mauli, a koe mo lou sakoga,

Tetelonome 31:18

Kae ko au, e kau fufu loa oku mata i le aso lena, o tupu ko le veli katoa leia na fai e ia, o ano ki ni atua kese.

Tetelonome 7:21

Ke aua na ke i o tupu ko latou ; talie e nofo le Eteleno, lou Atua, i loto malie o ou, le Atua lasi mo fakaii.

Tuifakamaau 10:6

Na toe fai loa e fanau a Iselaele le nea leia na veli ki mata o le Eteleno : Na lotou tausi loa Paale mo Asetalate, ko atua o Silia, mo atua o Sitone, mo atua o Moape, mo atua o Amone, ti mo atua o le kau Filisitini. Na lotou tiaki loa le Eteleno ti na leaise lotou toe tausi loa kiate ia.

Tuifakamaau 6:13

Na pati loa a Seteone kiate ia : Ei loku Aliki, kapau e nofo le Eteleno mo matou, kolea e soko ai loa a nea fuli anei kia matou ? Ti kofea a nea fakamanamana fuli ala na fakamatala mai kia matou e omatou tamana, o pati : Pe na leaise fakamavae matou e le Eteleno mei Esipito ? I le aso nei kua tiaki matou e le Eteleno, ti kua tuku e ia matou ki lima o Matiane.