Tetelonome 31:16 - Tosi Tapu

¹⁶ Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Tetelonome 31:16 ပူးပေါင်းရင်းမြစ်များ

Senesi 15:15

Ko koe, e ke ano loa i le tokamalie ki ou tamana, ti e tanu loa a koe i le oki o se temi matua malie.

Senesi 25:8

Na tuku loa e Apalaamo lona laumalie, ti na mate loa a ia i le oki o se temi matua manuia, na lasi ai ona fetuu, ti na tapuakina ona aso. Ti na fakatasi loa a ia ki lona kakai.

Senesi 47:29

Na fakafeofi loa Iselaele ki le temi o lona mate, ti na kalagai loa e ia lona vosa ko Sosefo, o pati kiate ia : Kapau e ke alofa kiate au, ti ke fakasa loa kiate au lou alofa mo lou agatonu : Aua na ke tanu loa au i Esipito. E kau kole atu kiate koe, ke ke fakapapau mai kiate au, o velo mai lou lima ki lalo o loku tega.

Senesi 47:30

Ka kau moe loa o fakatasi mo oku tamana, ke ke ave loa au ke mamao mei le fenua o Esipito, ti ke tanu loa au i le tanuma o oku tamana. Na tali loa Sosefo : E kau fai loa o mulimuli ki lau masau.

Lua tosi a Samuele 7:12

Ka oki loa ou aso, ti e ke moe loa mo ou tamana, e kau lagai loa lou sakoga i ou muli, leia e ulu loa mei ou tootooga, ti e kau fakamakeke loa lana pule.

Uluaki tosi o Sau 1:21

Talie ka moe loa loku aliki le sau mo ona tamana, e feala loa ke tukugavelii loa au mo loku tama ko Salomone.

Uluaki tosi o Sau 18:18

Na tali loa Elia : E leaise kau fakamaveuveu ia Iselaele ; ko koe mo le fale o lou tamana ala e fakamaveuveu ia Iselaele, talie kua kotou tiaki a fakatotonu a le Eteleno ti kua ke ano o tausi kia Paale.

Uluaki tosi o Sau 19:10

Na tali loa a ia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Lua tosi o Sau 18:12

o tupu na leaise lotou fakalogo ki le leo o le Eteleno, lolatou Atua, ti na lotou maumaui lana sai, na leaise lotou fakalogo mo tausi ki nea fuli ala na fakatotonu e Moisese, le tagata fakasausau a le Eteleno.

Lua tosi o Sau 20:1

I le temi lena, na masaki loa Esekiasi o teiteiki ke mate. Na au loa le polofeta ko Esaia, vosa o Amote, ki ona tafa, o pati kiate ia : Ko leinei le folafola a le Eteleno : Ke tuku au fakatotonu ki lou fale talie ka ke mate loa, e leaise ke toe mauli loa mei lou masaki.

Lua tosi o Koloniko 21:11

Na toe fai foki e Solame ni ganea taualuga i mauga o Suta ; na toe eke fakamakeke foki e ia le kakai o Selusalemi ke fai feauaki ki taulaatua, ti na fakasesei loa e ia a Suta.

Sopo 20:11

Na logoi e ia koi apele a ia i le makeke mo le tupulaga, Kae kua moe a nea fuli ana mo ia i le tanuma.

Pesalemo 106:39

Na lotou fakakelekele loa latou ki alatou gaoi, Na lotou faiaga loa ki alotou gaoiaga.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Ekesote 32:6

I leia ake aso, na lotou alaala loa i le usu ti na lotou momoli loa ni failaulau mo ni sakilifisio fakafetai. Ti na tonatona loa le kakai ki lalo o kai mo inu ; ti na lotou tutuu ake loa ki aluga o fakafiafia.

Ekesote 34:15

Tokaga ai kiate koe, ke aua na ke fai ia se sai mo le kakai o le fenua, talie ke aua na ke tausi ki olatou atua ti mo ke momoli ni sakilifisio kia latou, ti ke lotou fakaafe loa a koe, o ke kai loa ki alatou vikitima ;

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Esekiele 16:15

Kae na ke fanaki loa ki lou fulumalie, ti na ke fakaaoga loa lou logologona, o faiaga ; na ke faiaga loa mo latou fuli ala na fakalaka i ou tafa, ti na ke soli a koe kia latou.

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Oseo 10:4

E lotou fai ni masau vaiga, mo ni fakapapau loi, Mo ka lotou fai se sai : Koia e somo ai loa le tautea, ofaipe se laakau kona I se faisaga kua fakamaluu.

Levitiko 26:15

Ti kapau e kotou tiaki loa aku fakatotonu, ti kapau e vesia loa okoutou laumalie ki aku fakatotonu, o leaise kotou mulimuli loa ki aku folafola fuli ti e kotou motusi loa laku sai,

Numelo 27:13

E ke tio loa ki ai, kae ko koe foki, e tanaki loa a koe ki lou kakai, ofaipe lou taina ko Alone ;

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Tetelonome 31:18

Kae ko au, e kau fufu loa oku mata i le aso lena, o tupu ko le veli katoa leia na fai e ia, o ano ki ni atua kese.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 32:50

E ke mate loa i aluga o le mauga lena ka ke pale loa ki ai, ti e ke ano loa o fakatasi mo ou tamana, ofaipe lou taina ko Alone leia na mate i le mauga ko Oli ti kua ano o fakatasi mo ona tamana.

Tetelonome 34:5

Na mate loa Moisese, tagata fakasausau a le Eteleno i lena, i le fenua o Moape, o mulimuli ki le fakatotonu a le Eteleno.

Tetelonome 4:25

Ka kotou nonofo loa i le fenua o le fakapapau o fualoa, ti ka kotou maua loa ni fanau mo ni makopuna, ti kapau e kotou vilo loa ki le agasala, o fai loa ni fakatata ta, pe ko ni fakatata paaki, pe ko ni nea ala e veli ki le Eteleno lokoutou Atua, ke tupu ai lona sausau,

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.

Tuifakamaau 10:13

Kae ko koutou, na kotou tiaki loa au kae kotou tausi loa ki ni atua kese. Koia na leaise kau toe saofaki ai loa koutou.

Tuifakamaau 10:6

Na toe fai loa e fanau a Iselaele le nea leia na veli ki mata o le Eteleno : Na lotou tausi loa Paale mo Asetalate, ko atua o Silia, mo atua o Sitone, mo atua o Moape, mo atua o Amone, ti mo atua o le kau Filisitini. Na lotou tiaki loa le Eteleno ti na leaise lotou toe tausi loa kiate ia.

Tuifakamaau 2:11

Ti na fai loa e fanau a Iselaele le nea leia e veli ki mata o le Eteleno, ti na lotou tausi loa ki Paale.

Tuifakamaau 2:12

Na lotou tiaki loa le Eteleno, Atua o olatou tamana, leia na fakamavae ia latou mei le fenua o Esipito, ti na lotou tausi loa ki ni atua kese, o fenua ala na takatakai ia latou. Ti na lotou punou loa i mua o atua ana, o lotou fakatupu ai loa le sausau o le Eteleno.