Tetelonome 31:14 - Tosi Tapu

¹⁴ Na pati loa le Eteleno kia Moisese : ko leinei kua ofi loa le aso leia e ke mate ai loa. Ke ke kalagai loa Sosue, ti kolua ano loa o tuu i le falela tapu. Na ano loa Moisese mo Sosue o tuu i le falela tapu.

Tetelonome 31:14 ပူးပေါင်းရင်းမြစ်များ

Senesi 47:29

Na fakafeofi loa Iselaele ki le temi o lona mate, ti na kalagai loa e ia lona vosa ko Sosefo, o pati kiate ia : Kapau e ke alofa kiate au, ti ke fakasa loa kiate au lou alofa mo lou agatonu : Aua na ke tanu loa au i Esipito. E kau kole atu kiate koe, ke ke fakapapau mai kiate au, o velo mai lou lima ki lalo o loku tega.

Uluaki tosi o Sau 2:1

Na fakafeofi loa Tavite ki lona mate, ti na tuku loa e ia ana fakatotonu kia Salomone, lona vosa, o pati :

Lua tosi o Sau 1:4

Koia e folafola ai le Eteleno, o pati : E leaise ke ifo loa mei le palepale leia e ke moe ai, talie e ke mate loa. Ti na ano loa Elia.

Lua tosi o Sau 20:1

I le temi lena, na masaki loa Esekiasi o teiteiki ke mate. Na au loa le polofeta ko Esaia, vosa o Amote, ki ona tafa, o pati kiate ia : Ko leinei le folafola a le Eteleno : Ke tuku au fakatotonu ki lou fale talie ka ke mate loa, e leaise ke toe mauli loa mei lou masaki.

Sopo 1:6

Kae i se aso, na au loa a vosa o le Atua ki mua o le Eteleno, ti na au foki Satana i loto malie o latou.

Sopo 2:1

I se aso, na au loa a vosa o le Atua ki mua o le Eteleno, ti na au foki Satana mo latou o tuu i mua o le Eteleno.

Ekesote 33:11

Na masau loa le Eteleno mo Moisese o feagaaki a mata ki mata, ofaipe se tagata leia na masau mo lona kaukau nea. Ti oki, na toe liliu loa Moisese ki le nofolaga ; kae ko lana tagata fakasausau tupulaga ko Sosue, vosa o Nune, na leaise mavae loa a ia mei loto o le falela.

Ekesote 33:9

Ka ulu Moisese ki le falela, na ifo loa le pou ao, o tuu i le uluaga o le falela, ti na masau loa le Eteleno mo Moisese.

Ekesote 34:2

Teuteu ki le usu apogipogi, ti ke pale loa i le usu ki le mauga o Sinai ; e ke tuu loa i oku mua, i le tumutumu o le mauga.

Ekelesiasi 9:5

Talie e iloa e le kau mauli e lotou mamate loa ; kae e leaise iloa se nea e latou ala kua mamate, ti e leaise toe talitali ki se totogi, talie kua galo latou.

Esaia 38:1

I le temi lena, na masaki loa Esekiasi, o teiteiki ke mate. Ti na au loa le polofeta ko Esaia, vosa o Amotesito, o pati kiate ia : Ko leinei le folafola a le Eteleno : Tuku au fakatotonu ki lou fale, talie ka ke mate loa, talie leaise ke toe mauli loa.

Numelo 27:12

Na pati loa le Eteleno kia Moisese : Pale ki le mauga lena o Apalimi, o tio ki le fenua leia kua kau soli ki fanau a Iselaele.

Numelo 27:13

E ke tio loa ki ai, kae ko koe foki, e tanaki loa a koe ki lou kakai, ofaipe lou taina ko Alone ;

Numelo 27:18

Na pati loa le Eteleno kia Moisese : Too Sosue, vosa o Nune, ko se tagata leia e nofo ai loku Laumalie ; ti ke teki loa lou lima kiate ia.

Loma 12:1

Koia e kau fakamakeke koutou, fetaina, i manavaalofa o le Atua, ke kotou momoli okoutou tino ofaipe se sakilifisio mauli, mo maokioki, mo malie ki le Atua ; ko lena lakoutou atolasio maoki kiate ia.

Tetelonome 31:13

Ti ko olatou vosa ala e leaise iloa ia loa a ia, e logo loa ki ai, ti e lotou iloa loa le fakaapaapa ki le Eteleno, lokoutou Atua, i le temi katoa leia e kotou mauli ai loa i le fenua leia e kotou too loa, mo ka kotou fakalaka loa i le Solotane.

Tetelonome 31:2

Na pati loa a ia kia latou : I le aso nei kua kau fetuu kau lelau kau lua, e leaise koi mafai loa ke kau ano ti mo kau au i mua o koutou, ti na pati mai loa le Eteleno kiate au : E leaise ke fakalaka loa i le Solotane leinei.

Tetelonome 31:23

Na tuku loa e le Eteleno ana fakatotonu kia Sosue, vosa o Nune. Na pati loa a ia : Ke ke fakamakeke mo ke loto makeke, talie ko koe leia e fakaulu ia loa fanau a Iselaele ki le fenua leia na kau fakapapau ke soli kia latou ; ti e kau nofo totonu loa mo koe.

Tetelonome 32:50

E ke mate loa i aluga o le mauga lena ka ke pale loa ki ai, ti e ke ano loa o fakatasi mo ou tamana, ofaipe lou taina ko Alone leia na mate i le mauga ko Oli ti kua ano o fakatasi mo ona tamana.

Tetelonome 34:5

Na mate loa Moisese, tagata fakasausau a le Eteleno i lena, i le fenua o Moape, o mulimuli ki le fakatotonu a le Eteleno.

Tetelonome 4:22

E kau mate loa i le fenua leinei, e leaise kau fakalaka loa i le Solotane. Kae ko koutou, e kotou fakalaka loa, ti e kotou maua loa le fenua malie lena.

Sosue 23:14

Kiate au, kua vave fua loku mate. I le aso nei ke kotou fakamaoki i lokoutou loto katoa mo lokoutou laumalie katoa e leaise folafola fua e tasi i folafola malilie ala na fai kia koutou e le Eteleno, lokoutou Atua, na leaise fua : kua soko a folafola fuli kia koutou, ti na leai fua se folafola e tasi na tuku noa.

Sosue 24:1

Na tanaki loa e Sosue a faasiga fuli o Iselaele i Siseme. Ti na kakau loa e ia ke nake kiate ia a kau fakamatuatua o Iselaele, mo ona pule, mo ona tui fakamaau ti mo ona ofisa. Ti na lotou ano loa ki mua o le Atua.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,

Uluaki tosi a Samuele 10:19

Kae i le aso nei, kua kotou tiaki lokoutou Atua, leia na saofaki ia koutou mei okoutou malaia fuli mo okoutou mamae fuli, ti kua kotou pati kiate ia : Fakanofo se sau kia matou ! Ke kotou tutuu i le temi nei i mua o le Eteleno, o mulimuli ki okoutou faasiga mo okoutou tino afe.

Uluaki tosi a Samuele 26:10

Ti na pati loa Tavite : E mauli le Eteleno ! A le Eteleno toka tasi lona taai, pe kua soko lona aso mate ti mate a ia, pe kua ifo a ia ki se malae tau, o mate ai.