Tetelonome 31:13 - Tosi Tapu

¹³ Ti ko olatou vosa ala e leaise iloa ia loa a ia, e logo loa ki ai, ti e lotou iloa loa le fakaapaapa ki le Eteleno, lokoutou Atua, i le temi katoa leia e kotou mauli ai loa i le fenua leia e kotou too loa, mo ka kotou fakalaka loa i le Solotane.

Tetelonome 31:13 ပူးပေါင်းရင်းမြစ်များ

Taagapati 22:6

Akonaki le toe o mulimuli ki le ala leia e tonu ke mulimuli ai ; Ti ka liliu loa a ia o matua, e leaise toe maliu loa a ia mei ai.

Levitiko 23:43

o tupu ke iloa e okoutou tautupu muli na kau fakanonofo le kakai o Iselaele i ni fale pola, i le oki o laku fakamavae latou mei le fenua o Esipito. Ko au ko le Eteleno, ko lokoutou Atua.

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Efeso 6:4

Ti ko koutou, tamana, aua na kotou fakatupu itaita ki akoutou fanau, kae ke kotou taupau latou, o fakatonutonu latou ti mo ako latou ke popoto i le Aliki.

Tetelonome 11:2

Ke kotou fakamaoki i le aso nei, talie e leaise kau masau nei ki okoutou vosa ala na leaise iloa ia ti na leaise tio ki nea fuli ala na fai e le Eteleno kia koutou, kae ko koutou totonu ala na iloa ia ti na tio mata ki le mafimafi o le Eteleno, lokoutou Atua, mo lona lasi, mo lona lima makeke, mo lona lima falo.

Tetelonome 31:12

E ke fakatasii loa le kakai, tagata, mo fafine, mo fanau, mo le matapule leia e nofo loa mo koe, o tupu ke lotou logo ti ke lotou iloa le fakaapaapa ki le Eteleno, lokoutou Atua, mo le tausi mo le fai o folafola fuli o le lao leinei.

Tetelonome 31:14

Na pati loa le Eteleno kia Moisese : ko leinei kua ofi loa le aso leia e ke mate ai loa. Ke ke kalagai loa Sosue, ti kolua ano loa o tuu i le falela tapu. Na ano loa Moisese mo Sosue o tuu i le falela tapu.

Tetelonome 32:47

Talie e leaise ko se nea noa a ia kia koutou ; kae ko lokoutou mauli a ia, ti ko le nea a ia e fakatologa ia loa okoutou aso i le fenua leia ka kotou maua tofiga loa, i le oki o lakoutou fakalaka i le Solotane.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.