Tetelonome 31:12 - Tosi Tapu

¹² E ke fakatasii loa le kakai, tagata, mo fafine, mo fanau, mo le matapule leia e nofo loa mo koe, o tupu ke lotou logo ti ke lotou iloa le fakaapaapa ki le Eteleno, lokoutou Atua, mo le tausi mo le fai o folafola fuli o le lao leinei.

Tetelonome 31:12 ပူးပေါင်းရင်းမြစ်များ

Esetalasi 10:1

I le lolotoga fai e Esetalasi lana kole, o tagi mo tulolo i mua o le fale o le Atua, na fakatasi ake loa kiate ia se kakai toka api o le kau Iselaele, tagata, mo fafine, mo toe, ti na tagi mamae ai le kakai.

Levitiko 9:5

Ti na latou ave loa ki mua o le falela tapu le nea leia na fakatotonu e Moisese ; ti na fakafeofi ake loa le kakai katoa, o tuu i mua o le Eteleno.

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Soane 5:39

E kotou sufe le Tosi tapu talie e kotou manatu e kotou maua i ai le mauli lee gato. Ko le Tosi tapu leia e fakamaoki kiate au.

Tetelonome 29:29

Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.

Tetelonome 29:9

Koia ke kotou tausi loa a folafola o le sai leinei ti ke kotou fai loa latou, o tupu ke kotou malo i nea fuli ala e kotou fai loa.

Tetelonome 31:13

Ti ko olatou vosa ala e leaise iloa ia loa a ia, e logo loa ki ai, ti e lotou iloa loa le fakaapaapa ki le Eteleno, lokoutou Atua, i le temi katoa leia e kotou mauli ai loa i le fenua leia e kotou too loa, mo ka kotou fakalaka loa i le Solotane.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Sosue 8:33

Ko Iselaele katoa, ona kau tagata fakamatuatua, mo ona pule, mo ona tui fakamaau, na tutuu loa i fetuu e lua o le aleka, i mua o le kau tagata faisakilifisio, mo le kau Levi, ala na amo ia le aleka o le fakapapau a le Eteleno, a matapule ofaipe fanau a Iselaele, na lotou tutuu fuli i ai, ko le tasi vaelua i le fetuu o le mauga ko Kalisimi, ko le tasi vaelua i le fetuu o le mauga ko Epale, o mulimuli ki le fakatotonu leia na tuku i mua e Moisese, tagata fakasausau a le Eteleno, ke tapuakii le kakai o Iselaele.

Sosue 8:35

Na lau e Sosue a folafola fuli a Moisese, o leaise puli fua se folafola e tasi, i mua o le fakatasiga katoa o Iselaele, mo fafine, mo toe ti mo matapule ala na saele i loto malie o Iselaele.