Tetelonome 30:7 - Tosi Tapu

⁷ E fakavilo loa e le Eteleno, lou Atua, a malaia fuli ana ki ou fili, kia latou ala e vesia loa kiate koe ti mo fakaveliveli loa kiate koe.

Tetelonome 30:7 ပူးပေါင်းရင်းမြစ်များ

Ekesote 23:22

Kae kapau e ke fakalogo ki lona leo, ti kapau e ke fai a nea fuli ala e kau fakasa kiate koe, ti e kau liliu loa ko le fili o ou fili, ti e kau fakafesagai loa kia latou ala e fakafesagai kiate koe.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Selemia 25:29

Talie ko leinei, kua kau kamata fai le veli I le kolo leia e kalagai ai loku suafa ; Ti ko koutou, pe kotou sala tautea loa ? E leaise kotou sala loa i le tautea ; Talie e kau kalagai loa le seleta ki kakai fuli o le malama nei, E pati le Eteleno o kau tau.

Selemia 30:16

Kae e maoki e kai loa latou fuli ala na kai ia a koe, Ti ko ou fili fuli, io fulifuli, e ano loa ki le popula ; Ko latou ala na fakatelefua ia a koe e telefua loa, Ti e tuku loa ki le kaia latou fuli ala na kaia ia a koe.

Esekiele 25:12

E folafola le Aliki, le Eteleno, o pati : O tupu na tautea fakaveliveli e Etome Le fale o Suta, O tupu na lotou agasala lasi,

Esekiele 25:15

E folafola le Aliki, le Eteleno, o pati : O tupu na fakasoko e le kau Filisitini Loku sausau mo se loto fia lagavaka, O tupu na lotou fai le tautea mo le vesia ti mo le loto katoa, O lotou loto ke maumaui nea fuli, i lolatou vesia lee gato,

Esekiele 25:3

E ke pati loa ki fanau a Amone : Kotou fakalogo ki le folafola a le Aliki, le Eteleno ! E folafola le Aliki, le Eteleno, o pati : O tupu na ke pati : A ! A ! Ki loku sagatualio leia na fakakelekele, Ki le kele o Iselaele leia na maumaui, Ti mo le fale o Suta leia na ano ki le popula,

Esekiele 25:6

Talie e folafola le Aliki, le Eteleno : O tupu na ke pasipasi ou lima, Ti na tukituki ou vae, O tupu na ke fakafiafia ki malaia o le kele o Iselaele, O ke fakasa ai lou vesia ki loku kakai,

Esekiele 25:8

E folafola le Aliki, le Eteleno, o pati : O tupu na pati Moape mo Seili : Ko leinei, e fai le fale o Suta pe puleaga fuli !

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Amosi 1:3

Koia e folafola ai le Eteleno, o pati : O tupu ko agaveli e tolu a Tamaso, E fa foki, e leaise kau toe fetogi laku fakatotonu, Talie kua lotou takatakafi Kalaate ki ni saliote ukamea.

Amosi 1:6

Koia e folafola ai le Eteleno, o pati : O tupu ko agaveli e tolu a Kasa, E fa foki, e leaise kau toe fetogi laku fakatotonu, Talie na lotou too se kakai toka api o ave ki le popula i Etome

Amosi 1:9

Koia e folafola ai le Eteleno, o pati : O tupu ko agaveli e tolu a Tile, Ti e fa foki, e leaise kau toe fetogi laku fakatotonu, Talie na lotou ave fakapopula se kakai toka api ki Etome, Kae na leaise manatui e ia le sai fakatautaina.

Apetiasi 1:10

O tupu ko lau agamakeke ki lou taina ko Sakopo, E ke apele loa i le luma, Ti e motusi loa a koe o lee gato.

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Numelo 24:14

Ti ko leinei e kau toe liliu loa ki loku kakai. Kae i mua, au, ke kau fakasa fakatomua atu kiate koe le nea leia e fai loa e fanau a Iselaele ki lou kakai i temi ki muli.

Numelo 24:9

E peluki e ia ona tuli, ti e moe a ia ofaipe se laione tagata, ofaipe se laione fafine : Ko ai e toe fakatuu ia loa a ia ki aluga ? Ke tapuakina leia e tapuaki loa kiate koe, Ti ke malaia leia e fakamalaia loa a koe !

Tetelonome 30:8

Ti ko koe, e ke toe liliu loa, ti e ke toe fakalogo loa ki le leo o le Eteleno, ti e ke toe fai loa a folafola fuli anei ala e kau tuku atu kiate koe i le aso nei.

Tetelonome 7:15

E fakamamao loa e le Eteleno iate koe a masaki fuli ; e leaise tuku loa e ia kiate koe a masaki veveli ala na ke iloa i Esipito, kae tuku loa e ia latou kia latou fuli ala e vesia kiate koe.